Maira Muhamedqyzy Shymkent qalalyq Opera jáne balet teatrynyń basshysy qyzmetine taǵaiyndaldy, dep habarlaidy "Ult aqparat".
«Shymkent qalasy ákiminiń birinshi orynbasary Shyńǵys Muqan qalalyq Opera jáne balet teatrynyń jańa basshysyn mekeme qyzmetkerlerine tanystyrdy», - delingen qalalyq Aqparattyq kommýnikatsiialyq ortalyq málimetinde.
Maira Muhamedqyzy - QR eńbek sińirgen ártisi, «Qurmet», «Otan» ordenderiniń iegeri, «Tarlan» syilyǵynyń, QR Memlekettik syilyǵynyń laýreaty, Parijdegi «Grand Operanyń» Qazaqstannan shyqqan tuńǵysh ánshisi. 1969 jyly 9 mamyrda QHR-da dúniege kelgen.
Beijiń Ulttar ýniversitetiniń mýzyka fakýltetin (Djoý Ben Chin synyby) jáne Beijiń Konservatoriiasyn (Go Shý Djen synyby) bitirgen.
Repertýaryndaǵy kóptegen shyǵarmalar Qazaqstan sahnasynda buryn sońdy oryndalmaǵan. Operalyq jáne kontserttik repertýaryn asqan talǵampazdyqpen tańdap, úlken eńbekqorlyq pen izdenistiń úlgisin kórsetip keledi.
