Prezident Ákimshiligi Basshysynyń burynǵy orynbasary Baǵlan Mailybaevty tergeýge qatysty málimetter jariialanbaidy, - dep habarlaidy kaz.tengrinews.kz.
"QR Qylmystyq-protsessýaldyq kodeksiniń 201-babyna ("Sotqa deiingi tergep-tekserý derekterin jariia etýge jol bermeý") sáikes sotqa deiingi tergeýge qatysty málimetterdi jariialaýǵa bolmaidy. Eger bul tergep-tekserý múddelerine qaishy kelmese jáne basqa tulǵalardyń quqyqtary men zańdy múddelerin buzýǵa bailanysty bolmasa, prokýrordyń ruqsatymen qandai kólemde jariia etý múmkin dep tanylsa, sol kólemde jariia etilýi múmkin. Tergeý múddesine bailanysty málimetterdi jariialaýǵa bolmaidy", - delingen QR UQK ókilderiniń Tengrinews.kz joldaǵan saýalǵa bergen jaýabynda.
Osyǵan deiin Baǵlan Mailybaev pen Nikolai Galihinniń qamaý merziminiń uzartylǵany jaily habarlanǵan edi.
Eske sala keteiik, Baǵlan Mailybaev 16 qańtarda qamaýǵa alynǵan bolatyn. QR Ulttyq qaýipsizdik komiteti Mailybaevty Qazaqstan Respýblikasy Qylmystyq kodeksiniń 185-baby 1, 3-bóliginde kózdelgen ("Memlekettik qupiialardy zańsyz jinaý, taratý, jariia etý") qylmystardy jasady degen kúdikpen ustaǵan edi. Sondai-aq, memlekettik qupiiany jariialady degen kúdikpen QR Prezidenti Ákimshiliginiń qyzmetkeri Nikolai Galihin ustalǵan bolatyn.
