Foto: QR TJM
Tótenshe jaǵdailar departamentiniń baspasóz qyzmeti Maiqaiyń kenishine kóripkeldiń kelýine departamenttiń esh qatysy joq ekenin málimdedi, - dep habarlaidy Sputnik Qazaqstan saity @Pavlodarnews.kz portalyna silteme jasap.
Aita keteiik, áleýmettik jelide Maiqaiyń kenishinde qulap ketken avtobýstaǵy qutqarýshylardy izdestirýge Aigúl esimdi kóripkeldiń shaqyrtylǵany týraly aqparat tarady.
"Eshbir bólim olardyń bul áreketine kedergi bola almaidy. Kóripkel retinde tanylǵan adam olarmen birge qaýipsiz qashyqtyqta boldy. Qutqarýshylar izdestirý-qutqarý jumystaryn júrgizgen jerge jaqyndamady", – dedi departamenttegiler.
Vedomstvo málimetine sáikes, tótenshe jaǵdailar qyzmetiniń qyzmetkerleri men basqa da mamandar nusqaýlyqqa sáikes jumys isteidi. Topyraqtyń qozǵalýyn skanerleýge arnalǵan jabdyq, geoskaner jáne metall izdegish paidalanylady.
Belgili bolǵandai, shuńqyrdyń túbinde kinologiialyq brigadalar únemi jumys istep jatyr. Jumys baǵyty mamandandyrylǵan aspaptardyń kórsetkishterine qarai retteledi.
Aita keteiik, buǵan deiin Qazaqstannyń Tótenshe jaǵdailar ministrligi izdeý jumystaryna sheteldik mamandardy tartý talap etilmeitini týraly habarlaǵan.
Eske salaiyq, 4 qańtarda Pavlodar oblysynyń Baianaýyl aýdanynda "Maiqaiyń altyn" AQ aýmaǵynda jer opyrylyp, úlken shuńqyrǵa 4 adam mingen avtobýs qulap ketken. Sol kúni qutqarýshylar qaitys bolǵan eki adamnyń denesin tapty. Avtobýstyń ornalasqan jerin anyqtaý úshin "Altynalmas AK" AQ (Balqash qalasy) mamandary men TJD qutqarýshylary paida bolǵan qulaýdy geoskanizatsiialaý boiynsha jumystar júrgizdi.
