Foto:TJM
Maiqaiyńdaǵy apatan tórtinshi qyzmetkeriniń denesi shyǵaryldy. Bul týraly Tótenshe Jaǵdailar Ministrligi málimdedi dep habarlaidy "Ult Aqparat".
25 shildede oblystyq TJD kúshteri men quraldary «Maiqaiyń» AQ aýmaǵyndaǵy jumys ornyna keldi. Avtobýstyń bólshekterin shyǵarý úshin TJD qutqarýshylary, "KÁAQQ ROSh" jáne shahta qyzmetkerleri qutqarý jumystaryn júrgizdi. Mamandardyń jumysy qiraǵan topyraq pen tastardyń qulaý qaýpine qaramastan júrgizildi.
Avariialyq-qutqarý jumystaryn júrgizý barysynda, saǵat 16.05-te ekskavator arqyly topyraqty bógeý kezinde 75 metr tereńdikten mashinistiń denesi tabylyp, saraptamaǵa jiberildi.
Izdeý-qutqarý jumystary táýlik boiy jáne aitarlyqtai qaýippen júrgizilgenin atap ótken jón. Taý jynystary men topyraq únemi syrǵyp túsip jatty. Jumystarǵa ártúrli qyzmetterdiń 200-den astam qyzmetkeri tartyldy. 180 myńnan astam tonna taý massasy shyǵaryldy.
Bul shaǵyn ekskavatorǵa avtobýstyń ornalasqan jerine túsip, jumysty bastaýǵa múmkindik berdi. Shuńqyrdyń shetinen topyraq pen taý jynystarynyń qozǵalysy men qulaýyn baqylaý júrgizildi. Qutqarýshylar shuńqyrdyń túbindegi ekskavatorlar men basqa mamandardyń jumysyn saqtandyrý men qaýipsizdikti únemi qamtamasyz etip otyrdy. Avariialyq -qutqarý jumystaryn júrgizý erejeleri men qaýipsizdik sharalaryn saqtai otyryp, janarmai, tamaq, marksheider - mamandardy túsirý, sondai-aq tabylǵan zattardy kóterý júrgizildi. Topyraqty metall detektorymen, geoskanermen jáne magnitometrmen únemi skanerleý júrgizildi. Sonymen qatar oqiǵa ornynda kinologiialyq eseptoptar jumys júrgizdi.
