Foto: Pavlodar oblysy TJD baspasóz qyzmeti
Pavlodar oblysy ákimi Asaiyn Baihanov Maiqaiyńda qaza tapqan qutqarýshylardyń otbasylaryna qandai kómek kórsetilgenin aitty, - dep habarlaidy «Ult aqparat» Tengrinews.kz-ke silteme jasap.
Ákim Oleg Tyshkevich pen Sarqyt Berdiqan, dál 4 qańtarda oqiǵa bolǵan kúni tabylǵanyn, al Aidos Shaimerden 19 shilde, Aiyp Tóleýbergen 25 shilde tabylǵanyn aitty. Sondai-aq, ol qaza tapqandardyń otbasylaryna qandai kómek kórsetilgenin aitty.
Aidos Shaimerdenniń otbasyna "Maiqaiyńaltyn" AQ men PVAAS-tan 52,6 million teńge, otbasynyń 10,9 million teńge nesiesi óteldi, Pavlodarda 4 bólmeli páter berilip, kámeletke tolmaǵan 5 balasyna ai saiyn 259,6 myń teńge tólenedi.
Sarqyt Berdiqannyń otbasyna "Maikainzoloto" AQ men PVAAS-tan 39,9 million teńge, otbasynyń 1 million teńge nesiesi óteldi, kámeletke tolmaǵan 2 balasyna ai saiyn 104,2 myń teńge tólenedi.
Oleg Tyshkevichtiń otbasyna "Maikainzoloto" AQ men PVAAS-tan 14,9 million teńge, otbasynyń 1,5 million teńge nesiesi óteldi, kámeletke tolmaǵan balalaryna birjolǵy 716 myń teńge tólenedi.
Aiyp Tóleýbergenniń otbasyna "Maikainzoloto" AQ men PVAAS-tan 17,2 million teńge, otbasynyń 14,4 million teńge nesiesi óteldi, kámeletke tolmaǵan 1 balasyna ai saiyn 187,9 myń teńge tólenedi.
"Oleg Tyshkevichtiń 2 balasy bar. Olar úlken kenjesi 23-te. Olar sotqa shaǵymdandy. Sottyń appeliatsiialyq instantsiiasynda ár balasyna 7,5 million teńge dep ózgertildi. Men sot sheshimine pikir bildire almaimyn. Biz oǵan aralasa almaimyz. Jalpy 183 million teńgege 4 otbasyǵa járdem kórsetildi. Ótemaqy tolyǵymen berilip qoidy", - dedi ol.
Eske salaiyq, 25 shildede Maiqaiyńda shahtaǵa qulap, mert bolǵan tórtinshi qutqarýshynyń denesi tabylǵan bolatyn. Ol Maiqaiyń-altyn" AQ taý-ken aýdanyndaǵy opyrylǵan jerde izdestirý jumystaryn júrgizý kezindegi sońǵy qutqarýshy - júrgizýshi Aiyp Tileýbergenov bolyp shyqty.
Al Aidos Shaimerden 19 shildede tabyldy. Tabylǵan jeton men kiiminen qutqarýshylar vzvody komandiriniń 36 jastaǵy orynbasary Aidos Shaimerdenniń denesi tabylǵany anyqtaldy.
