فوتو: پاۆلودار وبلىسى تجد باسپاسٶز قىزمەتٸ
پاۆلودار وبلىسى ەكٸمٸ اسايىن بايحانوۆ مايقايىڭدا قازا تاپقان قۇتقارۋشىلاردىڭ وتباسىلارىنا قانداي كٶمەك كٶرسەتٸلگەنٸن ايتتى, - دەپ حابارلايدى «ۇلت اقپارات» Tengrinews.kz-كە سٸلتەمە جاساپ.
ەكٸم ولەگ تىشكەۆيچ پەن سارقىت بەردٸقان, دەل 4 قاڭتاردا وقيعا بولعان كٷنٸ تابىلعانىن, ال ايدوس شايمەردەن 19 شٸلدە, ايىپ تٶلەۋبەرگەن 25 شٸلدە تابىلعانىن ايتتى. سونداي-اق, ول قازا تاپقانداردىڭ وتباسىلارىنا قانداي كٶمەك كٶرسەتٸلگەنٸن ايتتى.
ايدوس شايمەردەننٸڭ وتباسىنا "مايقايىڭالتىن" اق مەن پۆااس-تان 52,6 ميلليون تەڭگە, وتباسىنىڭ 10,9 ميلليون تەڭگە نەسيەسٸ ٶتەلدٸ, پاۆلوداردا 4 بٶلمەلٸ پەتەر بەرٸلٸپ, كەمەلەتكە تولماعان 5 بالاسىنا اي سايىن 259,6 مىڭ تەڭگە تٶلەنەدٸ.
سارقىت بەردٸقاننىڭ وتباسىنا "مايكاينزولوتو" اق مەن پۆااس-تان 39,9 ميلليون تەڭگە, وتباسىنىڭ 1 ميلليون تەڭگە نەسيەسٸ ٶتەلدٸ, كەمەلەتكە تولماعان 2 بالاسىنا اي سايىن 104,2 مىڭ تەڭگە تٶلەنەدٸ.
ولەگ تىشكەۆيچتٸڭ وتباسىنا "مايكاينزولوتو" اق مەن پۆااس-تان 14,9 ميلليون تەڭگە, وتباسىنىڭ 1,5 ميلليون تەڭگە نەسيەسٸ ٶتەلدٸ, كەمەلەتكە تولماعان بالالارىنا بٸرجولعى 716 مىڭ تەڭگە تٶلەنەدٸ.
ايىپ تٶلەۋبەرگەننٸڭ وتباسىنا "مايكاينزولوتو" اق مەن پۆااس-تان 17,2 ميلليون تەڭگە, وتباسىنىڭ 14,4 ميلليون تەڭگە نەسيەسٸ ٶتەلدٸ, كەمەلەتكە تولماعان 1 بالاسىنا اي سايىن 187,9 مىڭ تەڭگە تٶلەنەدٸ.
"ولەگ تىشكەۆيچتٸڭ 2 بالاسى بار. ولار ٷلكەن كەنجەسٸ 23-تە. ولار سوتقا شاعىمداندى. سوتتىڭ اپپەلياتسييالىق ينستانتسيياسىندا ەر بالاسىنا 7,5 ميلليون تەڭگە دەپ ٶزگەرتٸلدٸ. مەن سوت شەشٸمٸنە پٸكٸر بٸلدٸرە المايمىن. بٸز وعان ارالاسا المايمىز. جالپى 183 ميلليون تەڭگەگە 4 وتباسىعا جەردەم كٶرسەتٸلدٸ. ٶتەماقى تولىعىمەن بەرٸلٸپ قويدى", - دەدٸ ول.
ەسكە سالايىق, 25 شٸلدەدە مايقايىڭدا شاحتاعا قۇلاپ, مەرت بولعان تٶرتٸنشٸ قۇتقارۋشىنىڭ دەنەسٸ تابىلعان بولاتىن. ول مايقايىڭ-التىن" اق تاۋ-كەن اۋدانىنداعى وپىرىلعان جەردە ٸزدەستٸرۋ جۇمىستارىن جٷرگٸزۋ كەزٸندەگٸ سوڭعى قۇتقارۋشى - جٷرگٸزۋشٸ ايىپ تٸلەۋبەرگەنوۆ بولىپ شىقتى.
ال ايدوس شايمەردەن 19 شٸلدەدە تابىلدى. تابىلعان جەتون مەن كيٸمٸنەن قۇتقارۋشىلار ۆزۆودى كومانديرٸنٸڭ 36 جاستاعى ورىنباسارى ايدوس شايمەردەننٸڭ دەنەسٸ تابىلعانى انىقتالدى.
