Foto: Pavlodar oblysy TJD
«GRP-RIDDER-GROUP» JShS júrgizgen zertteý nátijeleri oiyq túbinde topyraq qurylymy ózgerip, álsiregenin anyqtady. Astyndaǵy qýystar men bos keńistikterdiń qulaý qaýpi óte joǵary, - dep habarlaidy "Ult aqparat" Kazinformǵa silteme jasap.
Tótenshe jaǵdailar qyzmetkerleri atalǵan ýchaskede qandai da bir taý-ken, izdestirý-qutqarý jumystaryn júrgizý qutqarýshylar men mamandar úshin úlken qaýip tóndirip turǵanyn aitady.
«Apatty joiý jónindegi basshynyń orynbasary - KÁAQQ RShO Pavlodar filialy direktorynyń orynbasary Erlan Jarqymbekov qutqarýshylardyń, ekskavator mashinisteriniń ómirine qaýip tónýine bailanysty júrgizilip jatqan jumystardy toqtata turý týraly sheshim qabyldady», - dep habarlady óńirlik tótenshe jaǵdailar departamentinen.
Osyǵan bailanysty «Maiqaiyńaltyn» AQ basshylyǵy ÁQQB RQSh QQ-men birlese otyryp ónerkásiptik qaýipsizdik, taý-ken, geologiialyq jumystar salasyndaǵy sarapshyny kenish aýmaǵyna shaqyrdy. Maman apattyń barlyq perimetrin tekserip shyqqan soń, izdestirý-qutqarý jumystaryn jalǵastyrý nemese tolyq toqtatý týraly qorytyndy shyǵarylady.
Qazirgi ýaqytta Pavlodar oblysy TJD barlyq kúshteri men quraldary jumys júrgizilip jatqan jerde tur.
