فوتو: پاۆلودار وبلىسى تجد
«GRP-RIDDER-GROUP» جشس جٷرگٸزگەن زەرتتەۋ نەتيجەلەرٸ ويىق تٷبٸندە توپىراق قۇرىلىمى ٶزگەرٸپ, ەلسٸرەگەنٸن انىقتادى. استىنداعى قۋىستار مەن بوس كەڭٸستٸكتەردٸڭ قۇلاۋ قاۋپٸ ٶتە جوعارى, - دەپ حابارلايدى "ۇلت اقپارات" Kazinformعا سٸلتەمە جاساپ.
تٶتەنشە جاعدايلار قىزمەتكەرلەرٸ اتالعان ۋچاسكەدە قانداي دا بٸر تاۋ-كەن, ٸزدەستٸرۋ-قۇتقارۋ جۇمىستارىن جٷرگٸزۋ قۇتقارۋشىلار مەن ماماندار ٷشٸن ٷلكەن قاۋٸپ تٶندٸرٸپ تۇرعانىن ايتادى.
«اپاتتى جويۋ جٶنٸندەگٸ باسشىنىڭ ورىنباسارى - كەاقق رشو پاۆلودار فيليالى ديرەكتورىنىڭ ورىنباسارى ەرلان جارقىمبەكوۆ قۇتقارۋشىلاردىڭ, ەكسكاۆاتور ماشينيستەرٸنٸڭ ٶمٸرٸنە قاۋٸپ تٶنۋٸنە بايلانىستى جٷرگٸزٸلٸپ جاتقان جۇمىستاردى توقتاتا تۇرۋ تۋرالى شەشٸم قابىلدادى», - دەپ حابارلادى ٶڭٸرلٸك تٶتەنشە جاعدايلار دەپارتامەنتٸنەن.
وسىعان بايلانىستى «مايقايىڭالتىن» اق باسشىلىعى ەققب رقش قق-مەن بٸرلەسە وتىرىپ ٶنەركەسٸپتٸك قاۋٸپسٸزدٸك, تاۋ-كەن, گەولوگييالىق جۇمىستار سالاسىنداعى ساراپشىنى كەنٸش اۋماعىنا شاقىردى. مامان اپاتتىڭ بارلىق پەريمەترٸن تەكسەرٸپ شىققان سوڭ, ٸزدەستٸرۋ-قۇتقارۋ جۇمىستارىن جالعاستىرۋ نەمەسە تولىق توقتاتۋ تۋرالى قورىتىندى شىعارىلادى.
قازٸرگٸ ۋاقىتتا پاۆلودار وبلىسى تجد بارلىق كٷشتەرٸ مەن قۇرالدارى جۇمىس جٷرگٸزٸلٸپ جاتقان جەردە تۇر.
