Qazaqstan Siriia men Iraktyń soǵys aimaqtarynan qaitarylatyn azamattardy ońaltý jáne integratsiialaý boiynsha AQSh-taǵy memlekettik departamentpen áriptestigin jalǵastyrady. Bul týraly QR syrtqy ister ministri Muhtar Tileýberdi AQSh-tyń memlekettik hatshysy Maik Pompeomen júrgizgen kelissóz barysynda aitty, dep habarlaidy QazAqparat tilshisi.
«Qazirgi ýaqytta bizdiń ekonomikamyzdaǵy eń iri investor bolyp tabylatyn AQSh-qa táýelsizdigimiz ben egemendigimizge júieli túrde qoldaý kórsetip kele jatqany úshin zor iltipatymyzdy bildiremiz. Qazirgi tańda bizdiń yntymaqtastyǵymyz HHI ǵasyrdaǵy Qazaqstan men AQSh-tyń keńeitilgen strategiialyq áriptestik mártebesine ie. Bul deńgeige 2019 jyly Vashington qalasynda eki el basshylary — QR Tuńǵysh prezidenti Nursultan Nazarbaev pen AQSh prezidenti Donald Tramptyń kelissózderiniń nátijesinde qol jetkizildi»,- deidi Muhtar Tileýberdi.
Ol Nur-Sultan men Vashington saiasi qatynastar, saýda-ekonomikalyq jáne investitsiialyq ózara yntymaqtastyq, qaýipsizdik jáne halyqaralyq terrorizmge qarsy kúres, qarý taratpaý men qarýsyzdandyrý, adam quqyqtary men dini bostandyq jáne basqa da salalarǵa ózara yntymaqtastyqty damytý boiynsha ártúrli deńgeide birneshe alańdar formatynda sapaly dialog júrgizýde ekenin aitty.
«Bizdiń Maik Pampeomen kelissózderimiz ekonomikalyq yntymaqtastyqty sapaly damytýǵa degen yntamyzdy taǵy da rastady. Búgin amerikalyq áriptestermen progmatizm rýhynda memleketterimiz arasyndaǵy investitsiialyq qatynastardy ártaraptandyrý máselelerin talqylaýdamyz. AQSh-ty Qazaqstan tarapy investitsiia, jańa tehnologiia men bilimniń, sondai-aq álemdik deńgeidegi standarttardyń qainar kózi retinde qarastyrady», - dedi ol.
Sondai-aq, ol 2019 jyldyń sońynda ekonomikalyq, shikizattyq emes sigmentindegi aldyńǵy qatarly jobalardyń biri amerikalyq aýylsharýashylyǵy alyby Taison Fýdty bizdiń elge tartý bolǵany týraly aitty.
«Bul joba búkil aýylsharýashylyq jáne odan tys salalarǵa mýltiplikativtik nátije beredi. Aqparattyq tehnologiialar únemi ónerkásiptik óndiristiń, ekonomikalyq ózara yqpaldastyqty odan ári nyǵaitý úshin mańyzdy áleýetke ie. AQSh memlekettik hatshysymen kezdesý barysynda biz sharttyq-quqyqtyq bazasynda jańa kelisimder men tolyqtyrýlarǵa, ekonomikalyq yntymaqtastyqty odan ári ártaraptandyrýǵa jáne óńirlik formatta AQSh-pen ózara yntymaqtastyqty nyǵaitýǵa nazar aýdardyq. Jýyrda Qazaqstan men AQSh arasynda qol qoiylǵan qujattar ishinen «Ashyq aspan týraly« kelisimdi atap ótý mańyzdy. Ol bizdiń memleketter arasynda tikelei áýe qatynasyn ashýdy basqa iske qosylǵan qazaqstandyq áýe kompaniialary men áýejailar úshin qaýipsizdik pen joǵary standarttardy engizýge múmkindik beredi. Sondai-aq, áriptestermen AQSh sanktsiialyq jaǵdaiynda Qazaqstannyń ekonomikalyq ósý máselelerin talqyladyq. Memlekettik departament bizdiń zańdy jáne tulǵalarǵa qatysty sanktsiialyq áserin boldyrmaý maqsatynda qazaqstandyq tarapty qoldaýdy jalǵastyrady. Biz halyqaralyq terrorizmge, ekstremizmge jáne radikaldy ideologiianyń taralýyna qarsy kúrestegi yntymaqtastyqty qoldaimyz. Biz Siriia men Iraktyń soǵys aimaqtarynan qaitarylatyn azamattardy ońaltý jáne integratsiialaý boiynsha memlekettik departamentpen áriptestigimizdi jalǵastyramyz. Qazaqstan C5+1 dialogy aiasynda yntymaqtastyqtyń aimaqtyq formatyn belsendi qoldaidy. Erteń Tashkentte S5+1 dialogyn ministrler deńgeiinde ótkizýdi josparlap otyrmyz. Ortalyq Aziia óńiriniń ekonomikasyna investitsiialar men tehnologiialardy tartýdy yntalandyrady. Memleketterimizde ómir súrý deńgeiin jaqsartýdy qamtamasyz etedi. Sonymen qatar, kórshiles Aýǵanstanǵa tabysty eksport jasaýǵa múmkindik beredi. Bul aimaǵymyzben áriptestikti nyǵaitý úshin tańdalǵan AQSh-tyń Ortalyq Aziia boiynsha strategiialyq basymdylyqtarynyń biri. Taratpaý jáne qarýsyzdandyrý salasyndaǵy kópjyldyq tiimdi yntymaqtastyqtan basqa biz halyqaralyq kún tártibindegi memleketterimizdiń basym baǵyttaryn, onyń ishinde Elbasynyń jahandyq, qaýipsizdik, ekonomikalyq damý jáne órkendeý jolyndaǵy iri derjavalardyń arasyndaǵy senimdi qalpyna keltirý jónindegi bastamany talqyladyq. Osylaisha AQSh Memlekettik hatshysynyń Qazaqstanǵa sapary deńgeili strategiialyq áriptestik aiasyndaǵy yntymaqtastyqty jalǵastyrýǵa degen talpynysymyzdy rastaýǵa jáne ony 2020 jyly odan ári damytýǵa múmkindik beredi. Maik Pompoe osy jáne ózge de máselelerdi prezidentimiz Qasym-Jomart Toqaevpen jáne Elbasymyz Nursultan Nazarbaevpen kezdesýinde talqylaidy, - dedi Muhtar Tileýberdi.
