Foto: ashyq derekkóz
Shymkentte 11-synyp oqýshysy úiin tazalaýǵa kelgen áiel adamdy óltirip, denesin qoqys jáshiginiń janyna tastap ketken. Sonymen qatar oqýshy máiitti zorlady degen kúdikke de ilinip otyr, dep habarlaidy Ult.kz Otyrar.kz-ke silteme jasap.
Prokýrordyń aitýynsha, mektep oqýshysy Shymkentke biyl shilde aiynda qurylysta jumys isteýge kelgen. 21 shilde kúni jaldamaly páterde jalǵyz qalǵan. Jynystyq qatynasqa túskisi kelip, uialy telefonymen Telegram jelisine kirgen. Onda «Shymkent jumys» atty jalpy topqa «Turǵyn úige tazalyq jasaityn qyzdar kerek» degen habarlama jazǵan.
Jábirlenýshi Diana Ońǵarbaeva kún kórý úshin úi tazalaýmen ainalysqan. Habarlama arqyly kelip, úi tazalap, oqýshydan 15 myń teńge eńbekaqysyn suraǵan. Ol aqysyn anasy beretinin aityp syltaýratqan.
«Úiden saby aǵashtan jasalǵan asúi pyshaǵyn alyp, jábirlenýshi Ońǵarbaevanyń teris qarap turǵanyn paidalanǵan. Óziniń adam óltirý týraly qylmystyq oiyn sońyna deiin jetkizý úshin pyshaǵymen marqumnyń artqy moiyn tusynan toqtaýsyz 10 ret suǵyp alǵan. Ary qarai mektep oqýshysy marqumdy jerge jatqyzyp, búirek tusyna bir ret suǵyp alǵan», - deidi prokýror.
Jábirlenýshi alǵan jaraqatynan oqiǵa ornynda qaza tapty. 26 jastaǵy Diana Ońǵarbaevanyń denesi 10 kúnnen keiin Shymkenttegi qoqys jáshiginiń janynan tabyldy. Prokýrordyń sózinshe marqumdy óltirip qana qoimai, onyń máiitimen jynystyq qatynasqa túsken, al uialy telefonyn satyp jibergen.
«Men 28 shilde kúni aryz jazǵanmyn. Al 29 kúni Astanaǵa jazdym. Sodan keiin ǵana 30 kúni telefony tabyldy. Al 31 kúni qyzym qoqystan tabyldy. Politseiler qaida júr, izdemei?! Dál osylai qorlanyp ólmeitin edi ǵoi», - dep marqumnyń anasy Qarlyǵash Ońǵarbaeva jylap jiberdi.
Belgili bolǵandai, mektep oqýshysy ózine taǵylǵan aiyppen ishinara ǵana kelisetin kórinedi. Aitýynsha, oqýshy adam óltirgenmen, máiitpen jynystyq qatynasqa túspegen. Al saraptama qorytyndysyna sai, máiitten DNQ tabylmaǵan kórinedi. Alaida, Diana Ońǵarbaevanyń týystary onymen kelispeidi.
«Meniń talabym – balany ómirbaqi sottaý. Ol máiitti zorlaǵanyn moiyndamai otyr. Al alǵashqyda qolǵa túsken kezde osy qylmysyn moiyndaǵan bolatyn. Qolyndaǵy pyshaǵyn 26 jerge tyqqan», - deidi marqumnyń anasy.
