Ulttyq bank tóraǵasy Erbolat Dosaev Úkimettiń keńeitilgen otyrysynda infliatsiiany aýyzdyqtaýǵa baǵyttalǵan sharalar týraly málimet berdi, dep habarlaidy QazAqparat.
«Ulttyq bank siz 2021 jyly aiqyndaǵan negizgi basymdyqtarǵa sáikes iskerlik belsendilikti qalpyna keltirýge baǵyttalǵan beiimdelgen aqsha-kredit saiasatyn júrgizdi. Biylǵy aqpanda sizdiń makrokonomikalyq saiasattyń úlesin kúsheitý maqsatynda alǵa qoiǵan mindetterińizdi iske asyrý úshin Ulttyq bank Qarjy naryǵyn retteý jáne damytý agenttigimen 2021-2023 jyldarǵa arnalǵan kelisimge qol qoidy», - dedi Ulttyq bank tóraǵasy.
Ol, sondai-aq, eldegi infliatsiia deńgeii 7,9 paiyz bolǵanyn atap, ony tizgindep ustaý úshin reformalar ázirleýge kúsh salynyp jatqanyn málim etti.
«Jyl basynan bastap jekelegen tutyný naryqtaryndaǵy teńgerimsizdik nátijesinde infliatsiia 2021 jylǵy maýsymda 7,9 protsent boldy. Orta merzimdi perspektivada infliatsiiany turaqtandyrý úshin Ulttyq bank naýryzda monetarlyq negizderdi kúsheitýge, qarjy naryǵyn damytýǵa jáne ekonomikada qurylymdyq reformalar júrgizýge baǵyttalǵan aqsha-kredit saiasatynyń 2030 jylǵa deiingi strategiiasyn bekitti», - dedi Erbolat Dosaev.
