Májilis depýtaty Máýlen Áshimbaevtyń ókilettigi merziminen buryn toqtatyldy. Búgin parlament Májilisiniń jalpy otyrysynda palata depýtattary osyndai sheshim qabyldady, dep habarlaidy Ult.kz tilshisi.
Jalpy otyrysta atalǵan másele týraly QR Ortalyq sailaý komissiiasynyń múshesi Baqyt Meldeshov usynym engizgen bolatyn.
«QR Konstitýtsiiasynyń 52-baby 5-tarmaǵyna, «QR Parlamenti jáne onyń depýtattary mártebesi týraly» 1995 jylǵy 16 qazandaǵy konstitýtsiialyq zańynyń 24-baby 3-tarmaǵyna sáikes jáne ornynan túsý týraly ótinish negizinde Ortalyq sailaý komissiiasy QR Parlament Májilisiniń depýtaty Máýlen Saǵathanuly Áshimbaevty ókilettigin merziminen buryn toqtatý týraly sheshim úshin usynym engizip otyr», - dedi Baqyt Meldeshov.
Budan keiin Májilis Tóraǵasy Nurlan Nyǵmatýlin burynǵy áriptesine sáttilik tilep, alǵys hat tapsyrdy.
«Bizdiń Májiliste kóp jyldar Halyqaralyq qatynastar, qorǵanys jáne qaýipsizdik komitetiniń tóraǵasy bolyp jumys jasadyńyz. Mańyzdy zańdardy qabyldaýǵa zor úles qostyńyz. Sonymen birge, parlamentaralyq bailanysty nyǵaitýǵa da erekshe yqpal ettińiz. Sondyqtan barlyq depýtattardyń atynan sizge alǵysymyzdy bildiremiz. Aldaǵy ýaqytta da partiialyq qyzmette zor tabystar tileimiz», - dedi Májilis Tóraǵasy.
Óz kezeginde sóz alǵan «Nur Otan» partiiasy Tóraǵasynyń birinshi orynbasary Máýlen Áshimbaev kópshilikke alǵys aitty.
«Birneshe jyl óte jaqsy, qoian-qoltyq nátijeli jumys istedik. Sizderdei saiasatkerlermen, mamandarmen jumys isteý - men úshin úlken mártebe. Ekinshi jaǵynan, Májilistegi jumys men úshin kásibi ári ómirlik mektep boldy. Endi Elbasy bizdiń partiiamyzdaǵy laýazymdy qyzmetke taǵaiyndady. Bul - úlken jaýapkershilik. Elbasynyń senimin aqtaýǵa bar kúshimdi salatyn bolamyn», - dedi Máýlen Áshimbaev.
Eske sala ketsek, 1 aqpan kúni Elbasy «Nur Otan» partiiasy Tóraǵasynyń jańa birinshi orynbasaryn tanystyrǵan bolatyn.
