Senat depýtaty Máýlen Áshimbaev Senat spikeri bolyp sailandy, dep habarlaidy "Ult aqprat" Senattyń baspasóz qyzmetine silteme jasap.
Eske salsaq, Memleket Basshysynyń 2 mamyrdaǵy Jarlyǵymen Senat depýtaty Dariǵa Nazarbaevanyń ókilettigi toqtatylǵan bolatyn.
Al Prezidenttiń búgingi Jarlyǵymen Máýlen Saǵathanuly Áshimbaev Qazaqstan Respýblikasy Parlamenti Senatynyń depýtaty bolyp taǵaiyndaldy.
Sondai-aq Memleket Basshysynyń Jarlyǵymen Máýlen Saǵathanuly Áshimbaev Qazaqstan Respýblikasy Prezidentiniń Ákimshiligi Basshysynyń birinshi orynbasary qyzmetinen bosatyldy.
Máýlen Áshimbaev 1971 jyly Almaty qalasynda dúniege kelgen.
1993 jyly Ál-Farabi atyndaǵy Qazaq ulttyq ýniversitetin bitirgen. 2016 jyly Taftsa ýniversitetin, Fletcher atyndaǵy quqyq jáne diplomatiia mektebin (AQSh) aiaqtaǵan. Saiasi ǵylymdardyń kandidaty. Halyqaralyq qatynastar magistri.
Ýniversitetti bitirgennen soń 1993-1994 jyldary Baspasóz jáne buqaralyq aqparat ministrliginiń júiesinde jumys istedi.
1994-1995 jyldary – Qazaqstan Respýblikasy Joǵarǵy Keńes depýtatynyń kómekshisi.
1995 jylǵy maýsym - qarasha aralyǵynda – Qaýipsizdik keńesi apparatynyń konsýltanty.
1995-1999 jyldar aralyǵynda Qazaqstan Respýblikasy Prezidenti Ákimshiligi Saraptaý jáne strategiialyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary.
1999-2000 jyldary – Qaýipsizdik keńesi Saraptaý ortalyǵynyń meńgerýshisi.
2000-2002 jyldary – Qaýipsizdik keńesi Saraptaý ortalyǵynyń meńgerýshisi – Qazaqstan Respýblikasy Prezidenti janyndaǵy Strategiialyq zertteýler institýtynyń direktory.
2002-2005 jyldary – Qazaqstan Respýblikasy Prezidenti janyndaǵy Strategiialyq zertteýler institýtynyń direktory.
2005-2006 jyldary – Qazaqstan Respýblikasy Qaýipsizdik keńesi hatshysynyń orynbasary.
2006-2011 jyldary – Qazaqstan Respýblikasy Prezidenti Ákimshiligi Basshysynyń orynbasary.
2012-2018 jyldary – V, VI sailanǵan Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń tórǵaǵasy.
2018-2019 jyldary – «Nur Otan» partiiasy tóraǵasynyń Birinshi orynbasary.
2019 jyldyń shilde-jeltoqsan ailarynda Qazaqstan Respýblikasy Prezidentiniń kómekshisi.
2019 jyldyń 18 jeltoqsannan beri Qazaqstan Respýblikasy Prezidenti Ákimshiligi Basshysynyń Birinshi orynbasary bolyp qyzmet atqarǵan.
