Bul týraly «Nur Otan» partiiasy Tóraǵasynyń Birinshi orynbasary partiia bastaýysh uiymdarynyń respýblikalyq forýmynda aitty.
Aldymen Máýlen Áshimbaev Elbasy, partiia Tóraǵasynyń barsha forým qatysýshylaryna arnaǵan quttyqtaý hatyn oqyp berdi.
«Qurmetti forýmǵa qatysýshylar! Sizderdi «Nur Otan» partiiasynyń 20 jyldyq mereili belesine orai ótkizilip otyrǵan Bastaýysh partiia uiymdary birinshi forýmynyń ashylýymen quttyqtaimyn! Bul aitýly oqiǵa partiianyń eń basty resýrsy onyń músheleri, iaǵni Otanymyzdyń damýyna, órkendep, gúldene túsýine eleýli úles qosyp kele jatqan qoǵamnyń eń belsendi ári jaýapty ókilderi ekenin kórsetedi», – delingen Elbasy quttyqtaýynda.
Sonymen qatar partiia Tóraǵasy «Nur Otan» partiiasy jetekshi saiasi kúsh retinde damýdyń lokomotivi bolyp qana qoimai, sonymen birge ár qazaqstandyqtyń memlekettiń áleýmettik saiasatynyń igiligin sezinýiniń kepili de bolýy tiis ekenin jáne bul maqsattarǵa qol jetkizý úshin partiiamyzdyń ózi de jetilip, zamanaýi úrdister men talaptarǵa sai jumys isteýge beiimdelýi kerektigin atap ótken.
Odan bólek, jiynda atalǵan Forýmnyń partiianyń 20 jyldyǵyna arnalǵan sharalardyń basy ekeni de aityldy.
– Ózderińizge belgili, kelesi jyly partiiamyzdyń mereitoiyn atap ótemiz. Osy jyldar ishinde bizdiń partiiamyz elimizdegi jetekshi saiasi uiym retinde qalyptasý jolynan súrinbei ótti. Partiia negizi qalanǵan kúnnen bastap ekonomikalyq, áleýmettik jáne saiasi saladaǵy Elbasy saiasatynyń basty ári negizgi oryndaýshysy bolyp keledi. Sodan beri biz barsha qazaqstandyqtardy Prezident reformalaryn qoldaýǵa jumyldyryp, aýqymdy jumystardy atqardyq dep aitýǵa tolyq negiz bar. Bul iste bastaýysh uiymdarymyzdyń mańyzy zor. Partiiamyzdyń negizin dál osy sizder, iaǵni bastaýysh uiymdar qurap otyr. Bizdiń jeńisterimiz ben jetistikterimizdiń barlyǵy sizderdiń eren eńbekterińizdiń jemisi, – dedi Máýlen Áshimbaev.
Sondai-aq jiynda bastaýysh partiia uiymdarynyń qyzmetin jandandyrý tujyrymdamasy maquldanyp, belsendi partiia músheleri ózderiniń utymdy usynystaryn jetkizdi. Is-shara barysynda Parlament Senatynyń depýtaty, Qazaqstan Respýblikasy Prezidentiniń Bes áleýmettik bastamasynyń júzege asyrylýyn baqylaý jónindegi qoǵamdyq keńestiń tóraǵasy Baqytjan Jumaǵulov, Parlament Májilisiniń depýtaty, «Nur Otan» partiiasy fraktsiiasy jetekshisiniń orynbasary Nurtai Sabilianov, Eńbek jáne halyqty áleýmettik qorǵaý ministri Mádina Ábilqasymova sóz alyp, óz taraptarynda atqarylǵan jumystar jaiyn baiandap berdi.
.jpeg)