Oraza ait merekesin jaqsylyqtyń jarshysy deýge tolyq negiz bar. QR Parlamenti Senatynyń tóraǵasy Máýlen Áshimbaev qazaqstandyqtardy quttyqtaýynda osylai málim etti, dep habarlaidy "Ult aqparat".
***
Qurmetti dostar! Barshańyzdy qasietti Oraza ait merekesimen quttyqtaimyn!⠀
Bul – Ramazan aiynyń aiaqtalǵanyn bildiretin, búkil álem musylmandary úshin qasterli sanalatyn eń ulyq meiramdardyń biri. Osy kúnderi tatýlyq, qaiyrymdylyq, meiirimdilik siiaqty izgi qasietter keńinen dáripteledi. Otyz kún boiy oraza tutqan jandar bir-birine igi tilekterin arnap, qýanyshty kúige bólenedi. Sondyqtan ait merekesin jaqsylyqtyń jarshysy deýge tolyq negiz bar.⠀⠀
Biyl Ramazan aiy koronavirýs indetiniń taralýymen tuspa-tus keldi. Degenmen, bul jaǵdai Qazaqstan musylmandaryn esh jasytqan joq. Qaita halqymyzdyń yrys-yntymaǵy odan ári arta tústi. Óitkeni oraza qazirgidei kúrdeli kezeńde adamzatty bereke men birlikke, sabyrlyq pen tózimdilikke úndeidi. Osyndai asyl qasietterdiń arqasynda biz qaýipti dertti aýyzdyqtap, barlyq qiyndyqty birlesip eńseremiz dep senemiz.⠀
Sizderdi osy merekemen quttyqtai otyryp, ustaǵan orazalaryńyz ben tilegen duǵa-tilekterińiz qabyl bolsyn degim keledi. Aidan aiǵa, jyldan jylǵa aman-esen jete bereiik. Ulyq meiram ár shańyraqqa shattyq pen baq-bereke ákelsin!⠀⠀
Ait múbárak bolsyn!
