«Nur Otan» partiiasy janyndaǵy Balalar quqyǵyn qorǵaý jónindegi respýblikalyq keńes Túrkistanda balalardyń ógei anadan zorlyq-zombylyq kórý oqiǵasynyń mán-jaiyn anyqtaýǵa kiristi. Bul jaiynda «Nur Otan» partiiasy Tóraǵasynyń birinshi orynbasary Máýlen Áshimbaev Fesbýktegi paraqshasynda jazdy, dep habarlaidy "Ult aqparat".
«Túrkistan oblysyndaǵy sumdyq oqiǵany estigende qinalmaǵan adam bolmaǵan shyǵar. Beikúná sábilerdiń munshalyqty qorlyq kórýi aitýǵa aýyz barmaityn adamshylyqqa jat kórinister. Sondyqtan «Nur Otan» partiiasy bul oqiǵany dereý nazarǵa alyp, qajetti sharalardy bastady», - dedi M.Áshimbaev.
Onyń atap ótýinshe, partiia janynan qurylǵan Balalar quqyǵyn qorǵaý jónindegi respýblikalyq keńes shuǵyl iske kirisip, mán-jaidy anyqtaý jumystaryn bastap ketti. Keńes tóraǵasynyń orynbasary Dinara Zakievaǵa jáne partiianyń oblystyq filialyna tiisti tapsyrmalar berildi.
«Qajet bolsa partiia tergeý jumystaryna da kómektesýge daiyn. Biz kináliniń zań aiasynda jazaǵa tartylýy úshin barlyq sharalardy qolǵa alamyz. Jalpy mundai ozbyrlyqpen búkil qoǵam bolyp kúresýimiz kerek. Sondyqtan ár azamat osyndai oqiǵalarǵa bei-jai qaramai óz únin qossa deimin. Bala quqyǵyn taptap, eldiń bolashaǵyn tunshyqtyrýǵa eshkimniń quqyǵy joq. Ár bala baqytty bolýǵa laiyq. Sondyqtan partiia bul isti aiaqsyz qaldyrmai, sońyna deiin qatań qoǵamdyq baqylaýda ustaidy», - dep atap ótedi ol.
Buǵan deiin Jetisai aýdanynda ógei sheshe qyzdaryna qorlyq kórsetken beinejazba taraǵanyn habarlaǵan edik.
Osydan keiin Túrkistan oblystyq Politsiia departamenti atalǵan oqiǵaǵa qatysty tergeý sharalary bastalǵanyn málimdedi.
Ishki ister ministri Erlan Turǵymbaev ta bul máseleni óz baqylaýyna alǵany belgili boldy.
