Búgin Astanada Tuńǵysh Prezident kúnine orai ótken Nur Otan Talks sharasynda "Nur Otan" partiiasy tóraǵasynyń birinshi orynbasary Máýlen Áshimbaev Elbasynyń eń basty úsh qasieti týraly aitty, dep habarlaidy Baq.kz agenttigi.
Pikirtalas alańynyń spikerleri N.Á.Nazarbaevtyń mańyzdy bastamalary, olardyń qalai qabyldanyp ómirge engeni, búginde árqaisynyń Prezident bastamalaryn iske asyrý jolynda ne istep jatqany jaily aityp berdi.
"Osy jyldar boiy Elbasynyń qasynda jumys istegenim úshin qýanam. Qazir "Nur Otan" partiiasynda Memleket basshysynyń bizdiń partiiany modernizatsiialaý boiynsha barlyq tapsyrmasyn múltiksiz oryndaýǵa tyrysam", - deidi ol.
Sonymen qatar, Máýlen Áshimbaev Elbasynyń úsh qasietin atap ótti.
"Birinshiden, Elbasynyń óz-ózin únemi damytyp otyratyn qasieti tańǵaldyrady. Ol únemi izdenis ústinde, únemi jańa bilim alyp, únemi ǵylymi, saiasi, ekonomikalyq siiaqty ártúrli baǵyttaǵy, ártúrli janrdaǵy kitaptar oqidy jáne jańa tendentsiialar týraly bilýge umtylady. Biz, ásirese jastar, onyń osy qasietin úirenýimiz kerek.
Elbasynyń ekinshi erekshe qasieti, jaýapkershiligi men ózine joǵary talap qoiatyny. Qandai kezdesý bolsa da ol tyńǵylyqty daiyndalady. Bireýdiń daiyndap bergen baiandamasyn oqyp bere salatyn basshylar az emes. Osy turǵyda Elbasyny úlgi etýge bolady. Ol kez kelgen taqyryp boiynsha baiandama oqityn kezde jan-jaqty daiyndalyp, taqyrypqa qatysty ártúrli kózqarastarǵa nazar aýdaryp, ártúrli pikirlerge kóńil bóledi.
Elbasynyń úshinshi erekshe qasieti, Memleket basshysynyń belgilengen jerge keshikpei barýy. Bizde, ásirese ministrlikterde kelgen adamdy saǵattap kúttirip qoiatyn qyzmetkerler bar. Bul turǵyda da Elbasy úlgi bola alady. Ol óziniń de, basqa adamdardyń da ýaqytyna qurmetpen qaraidy jáne qandai shara ótkizse de, ýaqytynan keshikpei bastaidy", - deidi ol.
.jpeg)