Máslihattarda «Nur Otan» depýtattarynyń ashyq reitingi júrgiziledi. Bul týraly el Prezidenti Qasym-Jomart Toqaev aityp berdi, dep habarlaidy QazAqparat.
«Óńirlerdegi jumysty kóp jaǵdaida ákimderden basqa eshkim kórsetip jatqan joq. Jalpy jurtshylyq munda partiianyń qandai ról atqaratynyn kórmeidi, óitkeni depýtattar bul máseleden ózderi shet qalyp otyr.
Máslihattarda «Nur Otan» depýtattarynyń jariia reitingin engizý mańyzdy. Azamattar halyqtyń ál-aýqatyn jáne eldegi ómir súrý sapasyn jaqsartý úshin halyq qalaýlylarynyń ne istep jatqanyn kórip, túsinýi tiis. Mundai sheshim depýtattar jumysynyń tiimdiligin arttyrýǵa yqpal etetinine senimdimin», - dedi Memleket basshysy «Nur Otan» partiiasynyń kezekten tys XXI sezinde.
Buǵan deiin Prezident máslihat depýtatynyń tósbelgisin joǵary kabinetterge ruqsattama dep qarastyrmaý keregin aitqan edi. Sondai-aq, Prezident qańtar oqiǵalary «Nur Otan» depýtattarynyń bedeli joqtyǵyn kórsetkenin synǵa aldy.
