Máskeýdegi shabýyldan keiin kóptegen azamaty Tájikstan týmasy bolyp shyqqan tájik oppozitsiiasy málimdeme jasady, dep habarlaidy "Ult aqparat".
Tájik prezidentiniń saiasi qarsylastary tájikterdiń radikaldanýy jáne olardyń Irandaǵy, Túrkiiadaǵy, Eýropadaǵy teraktilerge qatysýy halyqtyń eńbek kóshi-qony saldarynan dep atady.
Eńbek migranttarynyń negizgi barar eli – Resei, bul elde 1,5 mln-nan 2,5 mln adamǵa deiin jetedi eken. Olardyń kópshiligi Resei azamattyǵyn alǵany aitylady.
Byltyr 174 myńnan asa tájikstandyq nápaqa tabý úshin Reseige attanǵan.
Al osy ýaqytta tájik prezidenti Emomali Rahmon málimdeme jasady. Ol tájik azamattary qatysqan teraktiler kóbeigenin aitqan.
"Keiingi jyldary álemniń basqa elderiniń aýmaǵynda Tájikstannyń keibir azamattary tarapynan terrorizm aktileriniń sany artty... Keiingi 3 jylda álemniń 10 elindegi 24 azamatymyz shabýyl jasady, sonyń ishinde halyq arasynda jarylystar boldy", - dedi Tájikstan prezidenti.
Ol Tájikstanda 10 jyl ishinde ekstremistik jáne terroristik sipattaǵy 6 680 qylmys anyqtalǵanyn atap ótti.
