Máskeýde daýyldan qisaiǵan baǵdarsham baǵany. 29 mamyr 2017 jyl.
Máskeý men onyń tóńireginde 29 mamyrda turǵan daýyl saldarynan qaza tapqandar sany 16 adamǵa jetti, dep habarlady jergilikti bilik. Resei tergeý komitetiniń resmi ókili Svetlana Petrenko buǵan deiin daýyldan Máskeýde 11 adam qurban bolǵanyn aitqan.
Al, Máskeý oblysynyń gýbernatory Andrei Vorobev oblys territoriiasynda bes adam, onyń ishinde bir bala qaza tapqanyn habarlady.
29 mamyr kúni keshke kenetten turǵan daýyldan aǵashtar qulap, elektr qýatyn taratý jelileri úzilgen.
Máskeýdiń densaýlyq saqtaý departamentiniń jetekshisi Aleksei Hripýn búgin 168 adam dárigerlik kómek kurap júgingenin habarlady. Onyń sózinshe, zardap shekken 108 adam, onyń ishinde 22 bala aýrýhanada jatyr. Segiz adamnyń jaǵdaiy "aýyr" dep baǵalanyp otyr.
Buǵan deiin Resei energetika ministrligi Máskeýde daýyl saldarynan 7300 úi elektr qýatynsyz qalǵanyn habarlaǵan.
Máskeý meri Sergei Sobianinniń sózinshe, jyldamdyǵy saǵatyna 110 kilometrge jetken jelden 3500-den astam aǵash tamyrymen qoparylyp, qulaǵan.
