Qyrǵyzstannyń Reseidegi elshiligi Jogorký Keńesh depýtaty Aibek Osmonovtyń qyrǵyz migranttaryn jappai Reseiden deportatsiialap jatyr degen málimdemesin teriske shyǵardy.
Elshilik málimetinshe, shilde aiynda Resei boiynsha 18 qyrǵyz azamatyn deportatsiialaǵan. Sheteldik azamattardy ustaityn ýaqytsha ortalyqta 9 qyrǵyz migranty otyr. Olardyń segizin taiaýda úiine qaitarady. Bireýi bosqyn mártebesin alýǵa ótinish túsirgen.
Budan bólek 65 qyrǵyz azamaty Máskeýdiń arnaiy tergeý abaqtysynda otyr. Olar - 12 shildede "Kýzminki" metrosynda bolǵan tóbelesten keiin ustalǵandar.
Qyrǵyz elshiligi qamaýda otyrǵandardyń quqyǵyn qorǵaý úshin qoldan keletin barlyq sharalar jasalynyp jatyr dep málimdedi.
Búginde Resei aýmaǵynda bir millionǵa jýyq qyrǵyzstandyq turady.
