Máskeýde qazaqstandyq bankir Jomart Ertaev ustaldy. Bul jaiynda QR IIM baspasóz qyzmetinen málim etti, dep habarlaidy QazAqparat.
«QR IIM Interpol ulttyq ortalyq biýrosynyń suranysy boiynsha Máskeýde asa iri kólemde alaiaqtyq jasaǵany úshin halyqaralyq izdeýde bolǵan Qazaqstan azamaty Jomart Ertaev ustaldy. Ol «Bank RBK» AQ Direktorlar keńesi tóraǵasynyń keńesshisi bolǵan kezinde jalǵan JShS-nyń 80 mln dollardan astam bank zaimyn alýyna yqpal etip, zaem qarajatty qaitarmaýǵa áreket etken. Qazirgi ýaqytta ustalǵan azamatty Qazaqstanǵa qaitarý máselesi qaralýda», - delingen taratylǵan málimette.
Esterińizge sala keteiik, osyǵan deiin Máskeýde qazaqstandyq kásipker Jomart Ertaevtyń ustalǵandyǵyn habarlaǵan bolatynbyz.
