Qazaqstan Respýblikasy Prezidentiniń kómekshisi - Qaýipsizdik Keńesiniń hatshysy Ǵabit Baijanov TMD-ǵa múshe elderdiń qaýipsizdik qeńesteri hatshylarynyń VI kezdesýine qatysty, dep habarlaidy Aqordanyń baspasóz qyzmeti.
Is-shara barysynda delegatsiialar basshylary TMD keńistigindegi turaqtylyq pen qaýipsizdikke tónip turǵan qazirgi qaýip-qaterler turǵysynan óńirlik ózara is-qimyldyń ózekti máselelerin talqylady. Atap aitqanda, Aýǵanstandaǵy ahýal men Ortalyq Aziiadaǵy memleketterdiń qaýipsizdigin qamtamsyz etý jónindegi sharalar, terrorizm men dini ekstremizmdi qarjylandyrýdy boldyrmaý, sondai-aq biologiialyq qaýipsizdik salasyndaǵy ózara is-qimyl máseleleri qaraldy.
Biylǵy 23 qarashada Qazaqstan men Resei qaýipsizdik keńesteriniń apparattary deńgeiindegi kezekti eki jaqty konsýltatsiialar aiasynda Ǵ.Baijanov reseilik áriptesi N.Patrýshevpen kelissóz ótkizdi.
Kezdesý barysynda taraptar qaýipsizdik salasyndaǵy eki jaqty qarym-qatynastardyń keń aýqymdy baǵyttary, sonyń ishinde halyqaralyq terrorizm men dini ekstremizmge qarsy turý, azyq-túlik qaýipsizdigin qamtamasyz etý isindegi ózara yqpaldastyq máseleleri jóninde pikir almasty.
