2017 jyldyń 11-12 jeltoqsanynda Máskeýde TMD-ǵa múshe elderdegi Shyǵarmashylyq jáne ǵylymi intelligentsiianyń XII forýmy jáne «Dostastyq juldyzdary» syilyǵyn tapsyrý rásimi ótedi, dep habarlaidy "Ult aqparat" TMD Atqarý komitetiniń baspasóz qyzmetine silteme jasap.
Forýmǵa Qazaqstan, Armeniia, Ázerbaijan, Belarýs, Moldava, Tájikstan, Túrikmenstan, Ózbekstan, Ýkraina jáne Resei memleketteriniń ókilderi qatysady.
Negizgi taqyryp - «TMD-da otbasylyq qundylyqtar men salt-dástúrlerdi nyǵaitý men qoldaýda gýmanitarlyq yntymaqtastyqtyń róli».
Forým aiasynda TMD elderiniń memleketaralyq basty syilyǵy - «Dostastyq juldyzynyń» laýreattaryn marapattaý rásimi ótkiziledi. Joǵarǵy marapat biylǵy jyly baletmeister Iýrii Grigorovichke (Resei), kompozitorlar Evgenii Dog (Moldava) jáne Tigran Mansýrianǵa (Armeniia), jazýshy Ivan Saverchenkoǵa (Belarýs), sýretshi Farhad Halilovqa (Ázerbaijan), matematik Altai Bóribaevqa (Qyrǵyzstan), teatr basshysy Tóleýbek Álpievke (Qazaqstan), akter Ibodýllo Mashrabqa (Tájikstan) berilmek.
Sharaǵa TMD-ǵa múshe-memleketterdiń Gýmanitarlyq yntymaqtastyǵynyń memleketaralyq qory qoldaý bildirýde.
