Qyrǵyzstan ishki ister ministrliginiń Reseidegi ókili Nurlan Janbaev Máskeýde qyrǵyz jáne tájik migranttarynyń tóbelesi týraly málimet berdi.
Onyń aitýynsha, Máskeý politsiiasy jappai tóbelestiń aldyn alǵan.
"Túnde Resei politsiiasymen birge jappai tóbelesti boldyrmaý sharalary júrgizildi. Politsiia Qyrǵyzstan men Tájikstan azamattaryn bólimshege jetkizdi. Tóbeles juma kúni biliard oiyny kezinde bolǵan. Qazir militsiia oqiǵany tekserip jatyr" dedi Janbaev.
Ministrlik ókiliniń habarlaýynsha, tóbeles kezinde Qyrǵyzstannyń bir azamaty pyshaqtalǵan, onyń jaraqaty aýyr emes.
Janbaev málimetine qaraǵanda, "buzaqylyq" baby boiynsha qylmystyq is qozǵaldy. Politsiia 103 adamdy ustady, olardyń jetpisten astamy Qyrǵyzstan azamaty. Tájikstannyń úsh azamaty politsiiaǵa aryzdanǵan.
Reseidiń aqparat quraldarynyń habarlaýynsha, 11 shildedegi jappai tóbeles kezinde Qyrǵyzstannyń eki azamaty pyshaqtalǵan, politsiia eńbek migranttaryn taratyp, júzge jýyq adamdy ustaǵan.
Áleýmettik jelilerde tóbeles kezinde túsirilgen videolar men jaralanǵan qyrǵyzstandyqtardyń sýretteri tarady.
