قىرعىزستان ٸشكٸ ٸستەر مينيسترلٸگٸنٸڭ رەسەيدەگٸ ٶكٸلٸ نۇرلان جانباەۆ مەسكەۋدە قىرعىز جەنە تەجٸك ميگرانتتارىنىڭ تٶبەلەسٸ تۋرالى مەلٸمەت بەردٸ.
ونىڭ ايتۋىنشا, مەسكەۋ پوليتسيياسى جاپپاي تٶبەلەستٸڭ الدىن العان.
"تٷندە رەسەي پوليتسيياسىمەن بٸرگە جاپپاي تٶبەلەستٸ بولدىرماۋ شارالارى جٷرگٸزٸلدٸ. پوليتسييا قىرعىزستان مەن تەجٸكستان ازاماتتارىن بٶلٸمشەگە جەتكٸزدٸ. تٶبەلەس جۇما كٷنٸ بيليارد ويىنى كەزٸندە بولعان. قازٸر ميليتسييا وقيعانى تەكسەرٸپ جاتىر" دەدٸ جانباەۆ.
مينيسترلٸك ٶكٸلٸنٸڭ حابارلاۋىنشا, تٶبەلەس كەزٸندە قىرعىزستاننىڭ بٸر ازاماتى پىشاقتالعان, ونىڭ جاراقاتى اۋىر ەمەس.
جانباەۆ مەلٸمەتٸنە قاراعاندا, "بۇزاقىلىق" بابى بويىنشا قىلمىستىق ٸس قوزعالدى. پوليتسييا 103 ادامدى ۇستادى, ولاردىڭ جەتپٸستەن استامى قىرعىزستان ازاماتى. تەجٸكستاننىڭ ٷش ازاماتى پوليتسيياعا ارىزدانعان.
رەسەيدٸڭ اقپارات قۇرالدارىنىڭ حابارلاۋىنشا, 11 شٸلدەدەگٸ جاپپاي تٶبەلەس كەزٸندە قىرعىزستاننىڭ ەكٸ ازاماتى پىشاقتالعان, پوليتسييا ەڭبەك ميگرانتتارىن تاراتىپ, جٷزگە جۋىق ادامدى ۇستاعان.
ەلەۋمەتتٸك جەلٸلەردە تٶبەلەس كەزٸندە تٷسٸرٸلگەن ۆيدەولار مەن جارالانعان قىرعىزستاندىقتاردىڭ سۋرەتتەرٸ تارادى.
