Foto: Ǵylym jáne joǵary bilim ministrligi
Máskeýdegi terakt kezinde onda oqyp júrgen qazaqstandyq azamattar japa shekken joq, dep habarlaidy QR Ǵylym jáne joǵary bilim ministri Saiasat Nurbek.
"22 naýryzda Máskeý oblysyndaǵy Crocus City Hall kontsert zalynda terakt boldy.
Resei Federatsiiasynda «Bolashaq» jáne «500 ǵalym» baǵdarlamasy boiynsha búginde 32 qazaqstandyq azamat bilim alýda, 24 stipendiat Máskeýde.
Olardyń eshqaisysy zardap shekken joq. Barlyq stipendiattar bailanysqa shyqty", - dep jazdy ministr Telegram arnasynda.
Buǵan deiin habarlanǵandai, belgisiz bireýler Máskeý túbindegi Krasnogorsk qalasyndaǵy Krokýs siti holl ǵimaratynda oq jaýdyrǵan.
Kýágerlerdiń aitýynsha, qylmyskerler keshki saǵat 20:30 shamasynda, kontsert bastalar aldynda negizgi podezd arqyly ǵimaratqa kirip, kelýshiler men kúzetshilerge birden oq atqan. Sodan úsh-tórt adam kontsert zalyna kirip, kórermenderdi atyp, «Molotov kokteilderin» laqtyra bastaǵan. Osydan keiin shabýyl jasaǵandar qashyp ketken.
Reseidiń Densaýlyq saqtaý ministrligi lańkestik áreketten zardap shekken 145 adamnyń birazynyń tizimin jariialady.
Qaiǵyly oqiǵaǵa bailanysty Qazaqstan azamattary úshin myna senim telefony boiynsha jedel jeli iske qosyldy: 8 (925) 897-71-14.
QR Syrtqy ister ministrligi habarlaǵandai, Reseidegi teraktide qaza tapqandar men zardap shekkender arasynda qazaqstandyqtar bar ekeni týraly aqparat joq.
