Máskeýde taksige prank jasaǵan qazaqstandyq blogerler 3,5 jylǵa sottaldy. Sot úkimi shyqqanda aiyptalýshylardyń jaqyndary jylap jiberdi. Qyzdardyń reaktsiiasy túsirilgen videony SHOT Telegram-arnasy jariialady, - dep habarlaidy Tengrinews.kz.
"Janym, bári jaqsy bolady, senshi, jarai ma? Men seni qatty jaqsy kóremin, kútemin", - deidi qyzdardyń biri súiiktisine.
"Bári jaqsy bolady. Bekem bol", - deidi qyzdar jigitterine.
Aita keteiik, 25 qarashada Máskeýde sot qazaqstandyq blogerler Ramir Hasanov, Aidyn Túsipov jáne Ersin Dúmshebaidy taksidi aidap áketýge qatysty prank jasaǵany úshin bas bostandyǵynan aiyrdy.
2021 jylǵy naýryzda jastar "Moskva-Siti" saýda ortalyǵyna premiým taksi shaqyrǵan. Quny 3,5 million rýblden asatyn kólik tapsyrys berilgen orynǵa kelgen. Júrgizýshi olardyń ótinishi boiynsha sómkelerdi júksalǵyshqa salyp jatqanda, aiyptalýshylardyń biri jolaýshy oryndyǵyna otyrǵan, ekinshisi kólik tizginine otyryp, ketip qalǵan.
Úshinshisi ketip bara jatqan sheteldik kólikti jáne kólik iesiniń reaktsiiasyn túsirip alǵan. Birneshe minýttan keiin kúdiktiler qaityp kelip, júrgizýshige osylaisha prank jasaǵanyn túsindirgen. Sol kúni qazaqstandyqtar ustaldy, tártip saqshylary qylmystyq is qozǵady.
