Qazaqstan Respýblikasy Premer-Ministriniń orynbasary - Syrtqy ister ministri Muhtar Tileýberdi Máskeýge jumys saparymen kelip, onyń barysynda Resei Federatsiiasynyń Syrtqy ister ministri Sergei Lavrovpen shaǵyn jáne keńeitilgen quramda kelissózder ótkizdi.
Syrtqy ister ministrligi baspasóz qyzmetiniń habarlaýynsha, taraptar saiasi, saýda-ekonomikalyq jáne mádeni-gýmanitarlyq salalardaǵy ekijaqty yntymaqtastyqtyń jai-kúii men perspektivalaryn talqylady. Kún tártibindegi halyqaralyq máselelerdiń keń aýqymy boiynsha pikir almasyldy.
Sondai-aq, óńiraralyq jáne shekara mańy yntymaqtastyǵyn nyǵaitý, otyn-energetika jáne ǵarysh salalaryndaǵy ózara is-qimyl jónindegi praktikalyq qadamdarǵa erekshe nazar aýdaryldy.
Odan bólek syrtqy saiasi vedomstvolardyń basshylary TMD, EAEO, UQShU, ShYU, AÓSShK jáne BUU integratsiialyq birlestikteri sheńberindegi yntymaqtastyq, Ortalyq Aziiadaǵy turaqtylyq pen qaýipsizdikti qamtamasyz etý máselelerin qarastyrdy.
Kezdesý qorytyndysy boiynsha diplomatiialyq qatynastardyń ornaǵanyna 30 jyl tolýyn merekeleý jónindegi is-sharalar josparyna qol qoiyldy.
