قازاقستان رەسپۋبليكاسى پرەمەر-مينيسترٸنٸڭ ورىنباسارى - سىرتقى ٸستەر مينيسترٸ مۇحتار تٸلەۋبەردٸ مەسكەۋگە جۇمىس ساپارىمەن كەلٸپ, ونىڭ بارىسىندا رەسەي فەدەراتسيياسىنىڭ سىرتقى ٸستەر مينيسترٸ سەرگەي لاۆروۆپەن شاعىن جەنە كەڭەيتٸلگەن قۇرامدا كەلٸسسٶزدەر ٶتكٸزدٸ.
سىرتقى ٸستەر مينيسترلٸگٸ باسپاسٶز قىزمەتٸنٸڭ حابارلاۋىنشا, تاراپتار ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى ەكٸجاقتى ىنتىماقتاستىقتىڭ جاي-كٷيٸ مەن پەرسپەكتيۆالارىن تالقىلادى. كٷن تەرتٸبٸندەگٸ حالىقارالىق مەسەلەلەردٸڭ كەڭ اۋقىمى بويىنشا پٸكٸر الماسىلدى.
سونداي-اق, ٶڭٸرارالىق جەنە شەكارا ماڭى ىنتىماقتاستىعىن نىعايتۋ, وتىن-ەنەرگەتيكا جەنە عارىش سالالارىنداعى ٶزارا ٸس-قيمىل جٶنٸندەگٸ پراكتيكالىق قادامدارعا ەرەكشە نازار اۋدارىلدى.
ودان بٶلەك سىرتقى ساياسي ۆەدومستۆولاردىڭ باسشىلارى تمد, ەاەو, ۇقشۇ, شىۇ, اٶسشك جەنە بۇۇ ينتەگراتسييالىق بٸرلەستٸكتەرٸ شەڭبەرٸندەگٸ ىنتىماقتاستىق, ورتالىق ازيياداعى تۇراقتىلىق پەن قاۋٸپسٸزدٸكتٸ قامتاماسىز ەتۋ مەسەلەلەرٸن قاراستىردى.
كەزدەسۋ قورىتىندىسى بويىنشا ديپلوماتييالىق قاتىناستاردىڭ ورناعانىنا 30 جىل تولۋىن مەرەكەلەۋ جٶنٸندەگٸ ٸس-شارالار جوسپارىنا قول قويىلدى.
