Altai biligi An-148 ushaǵynyń apatqa ushyraýynan óńir turǵyny qaza tapty degen málimetti joqqa shyǵardy, - dep habarlaidy RIA Novosti. Óńirlik BAQ málimetinshe, osy áýe apatynan qaza tapqandar arasynda Altai óńiriniń turǵyny Ilia Stavskii boldy degen málimet taratqan edi.
"Ilia Stavskii shynymen de 5 jyl buryn Altai óńirinde tólqujat alǵan. Sol kezderi ol ýaqytsha Rýbtsovkada bolyp, qujattaryn joǵaltyp alǵan. Negizinde osy tótenshe jaǵdaiǵa deiin ol Sverdlov oblysynda turǵan. Qazaqstan týmasy", - dedi Altai óńiriniń aqparattyq saiasat departamentiniń basshysy Andrei Liapýnov. Sonymen qatar onyń aitýynsha, ata-anasy Orynbor oblysynda turady eken.
Osyǵan deiin Máskeý túbinde apatqa ushyraǵan ushaq bortynda Ońtústik Qazaqstan oblysynyń týmasy bolǵany habarlandy. Sergei Panchenko Resei Federatsiiasynyń Norilsk qalasynyń Damý agenttigin basqarǵan. Norilsktiń qalalyq keńesiniń depýtaty bolǵan.
Sergei Panchenko 1973 jyly 28 naýryzda Shymkent oblysynyń Aqsý aýylynda dúniege kelgen. 1996 jyly Omby memlekettik tehnologiialyq ýniversitetti "Injener-tehnolog" mamandyǵy boiynsha támámdaǵan. 2009 jyly Máskeýdegi "Vysshaia shkola ekonomiki" Ulttyq zertteý ýniversitetin bitirip, "Jalpy jáne strategiialyq menedjment" mamandyǵyn alǵan.
Eńbek jolyn 1996 jyly Norilskte bastap, túrli qyzmetter atqarǵan. 2017 jyldan beri "Agentstvo razvitiia Norilska" Kommertsiialyq emes avtonom uiymyn basqarǵan edi. Artynda áieli men eki balasy qaldy.
Eske salaiyq, 11 aqpanda An-148 ushaǵy saǵat 14.21-de Domodedovo áýejaiynan ushyp shyqqan, alaida, 7 minýttan keiin, iaǵni 14.28-de kútpegen jerden radarlardyń ekranynan joǵalyp ketti.
Joǵalyp ketken An-148 ushaǵynyń bortynda 65 jolaýshy men ekipajdyń 6 múshesi bolǵan. Qylmystyq is qozǵaldy.
