«Máskeý premerasy» festivalinde qazaqstandyq rejisser Emir Baiǵazinniń «Ózen» filmi eki bas júldeni ielendi, – dep habarlaidy Qazaqstannyń Reseidegi elshiligi.
Halyqaralyq kinofestivaldiń jeńimpazdaryn marapattaý rásimi Máskeý qalasynda 3 qarashada ótti. Saltanatty sharada ádil qazylar alqasynyń sheshimimen rejisser Emir Baiǵazinniń «Ózen» filmi festivaldiń gran-pri júldesine ie boldy.
Biyl halyqaralyq «Máskeý premerasy» festivali 29 qazan men 3 qarasha aralyǵynda «Gorizont» kinoteatrynda ótti. Oǵan Qazaqstan, Qyrǵyzstan, Armeniia, Moldova, Ýkraina, Grýziia, Latviia, Estoniia, Resei jáne taǵy basqa elderdiń kinematografisteri qatysty.
Sondai-aq Resei kinoklýbtarynyń ókilderi kinofestivaldiń ádil qazylar músheleriniń qosalqy quramynda boldy. Olar «Ózen» filmin úzdik dep tanydy.
Halyqaralyq festivalde rejisser Sergei Dvortsevoidyń «Aika» filmi, rejisser Ádilhan Erjanovtyń «Rieltor» filmi kórsetildi. Bul kinotýyndylardy jurt konkýrstan tys ýaqytta tamashalady.
Sonymen qatar konkýrsta «Ózen» filmi de kórermenderge jol tartty. Osyǵan deiin qazaqstandyq rejisserdiń bul filmi 75-ret uiymdastyrylǵan Venetsiia kinofestivalinde úzdik rejisserlik jumys úshin «Altyn arystan» júldesine ie bolǵan.
«Máskeý premerasy» festivalinde jas rejisserlerdiń de filmi kórsetildi: «Zoopark» (Eldar Shibanov) jáne «Samal» (Shuǵyla Serjan).
