Máskeý men Baiqońyr arasyndaǵy tikelei ári turaqty reis alynyp tastaldy, dep habarlaidy "QazAqparat".
«Sońǵy reis 2018 jyldyń 7 jeltoqsanynda ushty», - dep habarlandy Baiqońyr qalasynyń áýe kassasynan.
Al QR IIDM Azamattyq aviatsiia komitetiniń habarlamasyna súiensek, sońǵy jyldary reseilik áýe kompaniialary Máskeý - Baiqońyr - Máskeý baǵytyndaǵy reisterdi turaqsyz sipatta oryndap keledi. Negizinen ushaqtar Baiqońyrǵa Máskeýden ǵaryshkerler men olardyń otbasyn jetkizý maqsatynda ushýda. Iaǵni, Máskeý men Baiqońyr arasynda turaqty reis joq.
«Turaqsyz reisterdi reseilik áýe kompaniialary oryndaidy. Jýyq arada eki qala arasynda taǵy da reister oryndalady. Naqtyraq aitqanda, osy jyldyń aqpan jáne naýryz ailarynda «ALROSA» áýe kompaniiasy «Roskosmos» qyzmetkerleri men olardyń otbasyn tasymaldaý maqsatynda Máskeý (Domodedovo áýejaiy) - Baiqońyr (Krainii áýejaiy) - Máskeý (Domodedovo áýejaiy) baǵdary boiynsha birneshe turaqty emes reister oryndaidy. Sonymen qatar, osy jyldyń aqpan aiynda reseilik taǵy bir «Nord Star Airlines» áýe kompaniiasy da S.P. Korolev atyndaǵy «Energiia» zymyrandy-ǵarysh korporatsiiasynyń qyzmetkerlerin tasymaldaý úshin Máskeý (Domodedovo áýejaiy) - Baiqońyr (Krainii áýejaiy) - Máskeý (Domodedovo áýejaiy) baǵdary boiynsha ushaq ushyrmaq», - delingen Azamattyq aviatsiia komitetiniń habarlamasynda.
Osylaisha, Máskeý men Baiqońyr arasyndaǵy turaqty emes áýe reisterin «Baiqońyr» ǵarysh ailaǵy kompaniiasynyń tapsyrysymen reseilik áýe kompaniialary júrgizedi. Áýe kompaniialarynda atalǵan baǵyt boiynsha ushýǵa barlyq quqyq bar.
