مەسكەۋ مەن بايقوڭىر اراسىنداعى تٸكەلەي ەرٸ تۇراقتى رەيس الىنىپ تاستالدى, دەپ حابارلايدى "قازاقپارات".
«سوڭعى رەيس 2018 جىلدىڭ 7 جەلتوقسانىندا ۇشتى», - دەپ حابارلاندى بايقوڭىر قالاسىنىڭ ەۋە كاسساسىنان.
ال قر ييدم ازاماتتىق اۆياتسييا كوميتەتٸنٸڭ حابارلاماسىنا سٷيەنسەك, سوڭعى جىلدارى رەسەيلٸك ەۋە كومپانييالارى مەسكەۋ - بايقوڭىر - مەسكەۋ باعىتىنداعى رەيستەردٸ تۇراقسىز سيپاتتا ورىنداپ كەلەدٸ. نەگٸزٸنەن ۇشاقتار بايقوڭىرعا مەسكەۋدەن عارىشكەرلەر مەن ولاردىڭ وتباسىن جەتكٸزۋ ماقساتىندا ۇشۋدا. ياعني, مەسكەۋ مەن بايقوڭىر اراسىندا تۇراقتى رەيس جوق.
«تۇراقسىز رەيستەردٸ رەسەيلٸك ەۋە كومپانييالارى ورىندايدى. جۋىق ارادا ەكٸ قالا اراسىندا تاعى دا رەيستەر ورىندالادى. ناقتىراق ايتقاندا, وسى جىلدىڭ اقپان جەنە ناۋرىز ايلارىندا «الروسا» ەۋە كومپانيياسى «روسكوسموس» قىزمەتكەرلەرٸ مەن ولاردىڭ وتباسىن تاسىمالداۋ ماقساتىندا مەسكەۋ (دومودەدوۆو ەۋەجايى) - بايقوڭىر (كراينيي ەۋەجايى) - مەسكەۋ (دومودەدوۆو ەۋەجايى) باعدارى بويىنشا بٸرنەشە تۇراقتى ەمەس رەيستەر ورىندايدى. سونىمەن قاتار, وسى جىلدىڭ اقپان ايىندا رەسەيلٸك تاعى بٸر «Nord Star Airlines» ەۋە كومپانيياسى دا س.پ. كورولەۆ اتىنداعى «ەنەرگييا» زىمىراندى-عارىش كورپوراتسيياسىنىڭ قىزمەتكەرلەرٸن تاسىمالداۋ ٷشٸن مەسكەۋ (دومودەدوۆو ەۋەجايى) - بايقوڭىر (كراينيي ەۋەجايى) - مەسكەۋ (دومودەدوۆو ەۋەجايى) باعدارى بويىنشا ۇشاق ۇشىرماق», - دەلٸنگەن ازاماتتىق اۆياتسييا كوميتەتٸنٸڭ حابارلاماسىندا.
وسىلايشا, مەسكەۋ مەن بايقوڭىر اراسىنداعى تۇراقتى ەمەس ەۋە رەيستەرٸن «بايقوڭىر» عارىش ايلاعى كومپانيياسىنىڭ تاپسىرىسىمەن رەسەيلٸك ەۋە كومپانييالارى جٷرگٸزەدٸ. ەۋە كومپانييالارىندا اتالعان باعىت بويىنشا ۇشۋعا بارلىق قۇقىق بار.
