Reseidiń Federaldyq qaýipsizdik qyzmeti men Ishki ister ministrliginiń qyzmetkerleri 30 naýryz kúni Máskeý mańyndaǵy Veshki aýylynda zańsyz qarý saýdalady degen kúdikpen er adamdy tutqyndamaq boldy. Kúdiktiniń úiin tekserý barysynda ol úiine jasyrynyp alyp, quqyq qorǵaý qyzmetkerlerine qarata oq atqan, dep habarlaidy TASS agenttigi.
Quqyq qorǵaý organdaryndaǵy derekkózdiń málimetterine qaraǵanda, kúdikti 1960 jyly týǵan kóterme-bólshek saýda jáne qurylys firmasynyń bas direktory - Vladimir Bardanov.
Politsiia qyzmetkerleri kúdiktiniń áieline turǵyn úidi tintý jónindegi sot sheshimin kórsetip, úidiń aýlasyna kirgen. Bardanov osy ýaqytta úidiń terezesinen avtomattan oq atyp, granata laqtyra bastaǵan. Er adam quqyq qorǵaýshylarǵa qarai barlyǵy 20 granata laqtyrǵan.
Ol jarylys jasap, politsiiaǵa tegeýrindi qarsylyq kórsetken. Sonyń saldarynan úiden órt shyqqan. Arada birshama ýaqyt ótken soń taǵy da jarylys bolǵan.
Rosgvardiianyń arnaiy maqsattaǵy sarbazdary úige shabýyldaý barysynda granata atqysh qoldanǵan.
Bardanovqa qatysty birneshe óndiris júrgizilgen. Onyń ishinde 148 mln rýbl salyq bereshegi bar.
Atys bastalǵanda úide 1 sábi men 3 eresek adam bolǵan. Olardyń barlyǵy da Bardanovtyń týystary. Eresek adamdar men sábi úiden shyqqan, 1 adam ǵana qalǵan.
Oqiǵanyń kýágeri quqyq qorǵaýshylarǵa oq atqan adamnyń saiajaiynda jolbarys, aiý, sileýsin siiaqty jabaiy ańdar ustaitynyn aitqan.
TASS agenttigine suhbat bergen azamat kúdiktiniń bul úidiń osydan 10-15 jyl buryn salǵanyn, alaida kórshilerimen qatynaspaitynyn aitqan.
Tergeý komiteti Federaldy qaýipsizdik qyzmeti men Ishki ister organdaryna oq atý áreketi boiynsha qylmystyq is qozǵady. Kúdikti ómir boiyna bas bostandyǵynan aiyrylýy múmkin.
