«Áziret Sultan» ulttyq tarihi-mádeni mýzei-qoryǵynyń Iasaýitaný ǵylymi ortalyǵynyń ǵalymdary Resei memlekettik kitaphanasynan Iasaýi tariqatynyń tarihy men rýhani ilimine arnalǵan, buǵan deiin ǵylymi ortada asa málim bolmaǵan XVII ǵasyrdaǵy sirek qoljazbany anyqtady, dep habarlaidy ult.kz.
Ǵylymi zertteý Memleket basshysy Qasym-Jomart Toqaevtyń Qoja Ahmet Iasaýi murasyn jan-jaqty zerdeleý jáne keńinen nasihattaý jónindegi tapsyrmasy men Úkimet bekitken Iasaýitaný salasyn damytý josparyna sáikes júrgizilip jatyr.
«Hýjjat áz-Zakirin li-radd ál-Mýnkirin» («Zikirdi teristeýshilerge qarsy zikir etýshilerdiń dáleli») atty eńbek Máskeýge uiymdastyrylǵan ǵylymi ekspeditsiia barysynda tabyldy. Buharada jazylǵan bul týyndy – Iasaýi mektebiniń tarihyn tanytatyn mańyzdy jazba derekkózderdiń biri.
Qoljazbada sopylyq ilim, jariia zikir dástúri jáne rýhani sabaqtastyq máseleleri sóz bolady. Atalmysh eńbekte Qoja Ahmet Iasaýiden, Hakim ata men Zeńgi atadan bastaý alatyn jáne tariqattyń keiingi ókilderine deiin jalǵasqan rýhani shejire jóninde qundy málimet qamtylǵan.
Búginde mamandar qoljazbanyń ǵylymi sipattamasyn ázirlep jatyr. Aldaǵy ýaqytta onyń mátini belgili nusqalarmen salystyrylyp, mátintanýlyq taldaý júrgiziledi. Zertteý nátijeleri ǵylymi ainalymǵa engizilmek.
Máskeý kitaphanasynan Iasaýi ilimine qatysty XVII ǵasyrdaǵy sirek qoljazba tabyldy
