Máskeý biligi qalalyq dýma sailaýyna ótpei qalǵan táýelsiz kandidattardy qoldaityn 100 myń adam qatysatyn mitingini ótkizýge ruqsat bergenin aitady. Miting 10 tamyzda akademik Saharov dańǵylynda ótpek. Bul týraly Máskeý meriiasynyń ókili Vasilii Oleinikke silteme jasaǵan «Interfaks» agenttigi habarlady. Oleiniktiń sózinshe, miting ótkizý týraly ótinishti bir top adam túsirgen. Olardyń arasynda Elena Rýsakova, mýnitsipaldy depýtat pen sailaýǵa tirkele almaǵan kandidat bolǵan.
Alaida 10 tamyzdaǵy mitingige bailanysty eshqandai qujat almaǵanyn aitqan Rýsakova bul aqparatty jalǵan dep otyr. Buǵan deiin belsendilerdiń mitingini basqa orynda ótkizýdi usynǵany, meriianyń bul usynyspen kelispegeni habarlanǵan.
Máskeý qalalyq dýmasy sailaýyna oppozitsiialyq kandidattardy ótkizýdi talap etken mitingiler shildeniń ortasynan beri ótip jatyr. 27 shildede ótken mitingige myńdaǵan adam jinalyp, politsiia 1400-ge jýyq adamdy ustaǵan. Tergeý komiteti jappai tártipsizdik týraly is qozǵap, ázirge tórt adam aiyptalyp otyr.
Kezekti narazylyq 3 tamyzda ótpekshi. Bilik bul aktsiiaǵa ruqsat bermegen.
