Beijiń Olimpiadasy Alaýynyń tutanýyna búgin týra 5 kún qaldy, dep habarlaidy QazAqparat.
Osy oraida Olimpiada oiyndary bastalý aldynda pandemiiaǵa qatysty máseleler jóninde aita ketýdi jón kórdik.
Beijiń Olimpiadasyna barǵan 36 adamnan koronavirýs anyqtaldy
Beijiń Olimpiadasyn uiymdastyrý kómiteti oiyn bastalmai jatyp, 36 adamnan koronavirýs anyqtalǵanyn málim etti. PTR-test tapsyrǵandardyń 36-synyń nátijesi oń nátije kórsetken. Olardyń arasynda sportshylar da bar.
Qazir kovit belgileri bar barlyq azmattar men azamatshalar karantinge alynǵan.
Olimpiadany uiymdastyrý kómiteti oiynǵa qatysýshylar men qonaqtar arasynda virýs juqtyrǵandardyń sany aldaǵy ýaqytta áli de artýy múmkin ekenin aityp tyr.
Olimpiadaǵa qatysýshylarǵa qandai talaptar qoiylǵan
Olimpiada oiyndaryna barlyq qatysýshylary men arnaiy qonaqtaryna olimpiadalyq aýmaqtan sebepsiz shyǵýǵa tyiym salynǵan.
Alaida, Halyqaralyq olimpiada komiteti jańa ereje shyǵaryp, atletterge tártip jeńildetilgenin jariialady.
Onda koronavirýs juqtyrǵan naýqaspen bailanysta bolǵan azmattar karantinde 14 kún emes, 7 kún bolatyny belgili boldy. Alaida, olar kúnine eki ret PTR-test tapsyrýǵa mindetti.
Olimpiadashylar masqany qandai jaǵdaida sheshe alady
Beijiń Olimpiadasyn uiymdastyrý komiteti sportshylarǵa qandai jaǵdaida maskany sheshýge ruhsat beriletinin aitty.
Olimpiada oiyndaryna barǵan barlyq atletter karantin talaptaryna sáikes maska taǵyp júrýge tiis. Alaida, oiyn barysynda baǵy janyp, júldegerler qatarynan kóringen sportshylarǵa marapattaý kezinde maskasyn sheshýge ruqsat etildi.
Robottar qyzmet kórsetedi
Beijińde Olimpiadaǵa qatysýshylar men oiynshylarǵa robottar qyzmet kórsete bastady.
Olar qonaq úige jaiǵasqan adamdarǵa kerek-jaraqtaryn, iaǵni as-sýlaryn jetkizip berýge qabiletti. Uiymdastyrýshylardyń aitýynsha, qultemirlerdiń qyzmetin paidalanýdaǵy basty maqsat – koronavirýstyń taralýyna tosqaýyl qoiý.
Aita keteiik, XXIV qysqy Olimpiada oiyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy.
Búginde olar olimpiadalyq qalashyqtarǵa ornalasty. Qazaqstandyqtar shańǵy jarysy, fristail akrobatika jáne mogýl, konkimen júgirý, short-trek, biatlon, taý shańǵysy, tuǵyrdan sekirý, shańǵy qossaiysy siiaqty 8 sport túrinen synǵa túsedi.
Oiyndardy «Qazaqstan», «Qazsport», «Habar» jáne «El arna» telearnalarynan tikelei efirden kórýge bolady.
Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.
