QR Densaýlyq saqtaý ministrligi meditsinalyq maskany durys taǵý boiynsha keńesterin berdi, dep habarlaidy "Ult aqparat".
Maskany durys taǵýdyń 10 erejesi:
1. Maskany taqpas buryn, qolyńyzdy spirt, antiseptikpen súrtińiz nemese sabynmen jýyńyz;
2. Maskanyń metaldy qysqyshyn nemese qalyń jeriń joǵary qaratyp taǵyńyz;
3. Ádette, maskanyń syrtqy jaǵy qanyq tústi bolady. Boialmaǵan betin ishke qaratyp taǵyńyz;
4. Maskanyń metaldy qysqyshyn murynnyń formasyna yńǵailańyz;
5. Maska muryn, aýyz, iekti jaýyp turýy tiis;
6. Maskany muryn men aýyzdy tolyq jaýyp turatyndai, bet pen maskanyń arasy ashyq qalmaityndai etip taǵyńyz;
7. Maskany qolmen ustamańyz. Ustaityn bolsańyz, qolyńyzdy tazalap súrtińiz nemese jýyńyz;
8. Maskańyz sýlana bastasa, dereý aýystyryńyz;
9. Birrettik maskany qaita taqpańyz;
10. Maskany qulaq artyndaǵy rezeńkesinen (maskanyń aldynǵy bóligin ustamai) ustap sheshińiz jáne birden qoqysqa laqtyryńyz. Keiin qolyńyzdy súrtińiz.
