Aqtóbede maska taqpaǵandar aiyppul tólep jatyr, dep habarlaidy "Ult aqparat".
Aqtóbede mobildi toptar, jergilikti politsiia qyzmetkerleri karantinniń saqtalýyna baqylaý júrgizip jatyr.
«Ákimshilik quqyq buzý týraly kodekstiń 425-babynyń 1-tarmaǵyna sáikes 81 million teńge kóleminde 647 aiyppul salynǵan.
«Ártúrli merekelik sharalardy, toi, otbasylyq sharalardy ótkizýge tyiym salynǵanyna qaramastan talapqa baǵynbaityndar bar. Betperde taǵý tártibin buzǵany úshin 11 million teńgege jýyq 156 aiyppul salyndy. Máselen, avtobýs ishinde jolaýshymen qatar júrgizýshi, kondýktor da beiqam bolǵan. Olar aiyppul tóledi», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Gúlbaný Daýletova.
Al otbasylyq sharalardy ótkizgen 24 kásipkerlik nysanyna 7 mln teńge kóleminde aiyppul salyndy.
Aita keteiik, óńirde bir adamnyń koronavirýs infektsiiasyn juqtyrǵany týraly derek tirkeldi. Virýs Jaisań shekara beketin kesip ótken Túrkistan oblysynyń 20 jastaǵy turǵynynan anyqtaldy.
Oblysta 3254 jaǵdai tirkelsa, onyń 98 paiyzdan astamy jazyldy. Qazirgi kezde úi karantinine 43 adam alyndy.
