Áleýmettik jelilerde Dúniejúzilik densaýlyq saqtaý uiymynyń maska taǵýdyń endi qajeti joqtyǵy týraly jazylǵan málimdemesi talqylanýda. Qujat skrinshoty osy jyldyń 25 qańtarynda jariialanǵan, dep habarlaidy "Ult aqparat".
Alaida, stopfake.kz saitynyń málimetinshe, DDU-nyń eshbir mamany mundai málimdeme jasamaǵan.
«Internette tarap ketken skrinshot Principia Scientific International konspirologiialyq resýrsynan shyqqan jáne DDSU-ǵa esh qatysy joq.
Saitta, tipti, konteksten alynǵan dáieksóz keltirilgen, shyndyǵynda, ol DDU-nyń 2020 jylǵy 1 jeltoqsandaǵy Mask use in the context of COVID-19 qujatynan alynǵan. Onda «adekvatty qorǵanys deńgeiin qamtamasyz etý úshin maskany tiisinshe qoldaný jetkiliksiz» delingen.
Budan ári túpnusqa qujatta COVID-19 aldyn alý boiynsha qoldy jii jýý jáne áleýmettik qashyqtyqty saqtaý siiaqty basqa nusqaýlar berilgen.
Sonymen qatar, qujatta maska taǵýdyń tiimdiligin kórsetetin zertteýlerdiń nátijeleri keltirilgen», - delingen saitta.
Anyqtalǵandai, bul osy qujatty qoldana otyryp, jasalyp otyrǵan alǵashqy manipýliatsiia emes. Buǵan deiin DDU basshylyǵynyń maska taǵý jónindegi nusqaýlyǵy olardy qoldaný qaýpin moiyndaý retinde túsindirilgen bolatyn. Biraq StopFake.kz qujatta shyn máninde ne týraly aitylǵanyn egjei-tegjeili jazǵan edi.
