Ulttyq qaýipsizdik komiteti vedomstvonyń burynǵy basshylary men basqa da laýazymdy tulǵalarǵa qatysty qylmystyq isti tergeý aiaqtalǵanyn habarlady, - dep habarlaidy "Ult aqparat" UQK baspasóz qyzmetine silteme jasap.
"UQK burynǵy basshylyǵy K.Q. Másimovke, A.T. Sadyqulovqa, D.E. Erǵojinge, M.S. Ósipovke jáne laýazymdy adamdar D.M. Akipovke, N.K. Bekmuratqa, A.A. qatysty qylmystyq isti tergeýdi aiaqtady", - delingen habarlamada.
Vedomstvo málimetinshe:
- Másimovtiń jáne Sadyqulovtyń áreketteri Qylmystyq kodekstiń 175-baby 1-bóligi ("Memleketke opasyzdyq jasaý), 179-baby 3-bóligi ("Bilikti kúshpen basyp alý") jáne 362-baby 4-bóligi 3-tarmaǵy boiynsha ("Bilikti nemese laýazymdyq ókilettikterdi asyra paidalaný");
- Erǵojin QK-nyń 179-baby 3-bóligi ("Bilikti kúshpen basyp alý") jáne 362-baby 4-bóligi 3-tarmaǵy boiynsha ("Bilikti nemese laýazymdyq ókilettikterdi asyra paidalaný");
- Ósipov QK-nyń 362-baby 3-bóligi boiynsha ("Bilikti nemese laýazymdyq ókilettikterdi asyra paidalaný");
- Akipov jáne Bekmurat QK-nyń 362-baby 1-bóligi boiynsha ("Bilikti nemese laýazymdyq ókilettikterdi asyra paidalaný") saralanǵan.
Qazirgi ýaqytta kúdiktilerdi is materialdarymen tanystyrý júrgizilip jatqany belgili boldy.
"Is materialdarymen tanysý kezeńine qamaýda ustaý merzimi Másimov pen Sadyqulovqa 6 qazanǵa deiin, Erǵojinge 13 qazanǵa jáne Ósipovke 22 qazanǵa deiin uzartyldy", - delingen habarlamada.
