Másimov shpiondardyń Qazaqstannyń qupiialaryn urlamaq bolǵany týraly jazdy

QR Ulttyq qaýipsizdik komitetiniń tóraǵasy Kárim Másimovtiń «Egemen Qazaqstan» gazetinde komitettiń 25 jyldyǵyna arnalǵan maqalasy jariialandy. Onda otandyq ult­tyq qaýip­sizdik organdarynyń shirek ǵasyrdaǵy jetken jetistikteri baiandalǵan.

«Nursultan Ábishulynyń erik-ji­geri men stra­tegiialyq kóz­qarasy búkil elimiz úshin de jáne óziniń jańa tari­hyn 1992 jyl­ǵy 13 shildeden bas­taǵan derbes arnaiy qurylym - ult­tyq qaýip­sizdik organdary úshin de taǵdyr­sheshti boldy», - dep jazady Ulttyq qaýipsizdik komitetiniń tóraǵasy.

Ja­qynda Aqordada QR Prezidenti «EKSPO»-nyń ashy­lý sal­tana­tynyń qaýipsizdigin tiimdi qam­ta­masyz etkeni úshin basqa ve­domstvo­lar qatarynda UQK organdaryna da rizashylyǵyn bildirgen. «Kóptegen memleket basshylary men basqa da meimandardyń qatysýymen ótken «EKSPO-2017»-niń ashylý saltanatyn qam­­ta­masyz etken elimizdiń búkil po­­litsiia qyzmetine, Ulttyq qaýip­­­sizdik komitetine, «Syrbar» syrt­qy barlaý qyzmetine jáne basqa da or­gandarǵa alǵys jariialaǵym ke­le­di», - dedi Qazaqstan Prezi­denti. 

UQK tóraǵasynyń aitýynsha, komitet qyzmetkerleri sheteldik astyrtyn áreketterge toitarys bergen. «Ótken 25 jyl ishinde bizdiń qarsy barlaýshylary­myz jetkilikti deńgeide tájiribe men ma­shyqtarǵa ie boldy. Memle­kettik qupiialardy qorǵaýdyń, barlaý-búldirý áreketi men Qa­zaqstannyń ishki isine zańsyz aralasýǵa qarsy turýdyń ózindik júiesi qalyptasty. Birqatar shpiondyq áreketter men jekelegen sheteldik arnaiy qyzmetter men uiymdardyń memlekettik or­gandarǵa synalap kirip, qupiia aqparattarǵa qol jetkizý josparlarynyń joly kesildi.  «Sapfir» jáne «Viktoriia» qarsy barlaý operatsiialary asa joǵary deńgeide ótkizildi. 2007 jyly AQSh Prezidenti Dj.Býsh: «AQSh tarihynda iadrolyq taratpaý isinde Qazaqstannan asqan áriptes ázirshe bolǵan emes», - dep kezdeisoq aitpasa kerek», - dep jazady Kárim Másimov. 

Onyń aitýynsha, halyqaralyq qalyptasqan jaǵdailarǵa bailanysty UQK mekemeni jańǵyrtý jáne rebrending jasaý jumystary jalǵas­tyrylyp keledi. «Zaman talaby eli­mizdiń aldyna jańa synaq­tar qoiyp otyr. Bul jait qaýip­sizdik qyzmetiniń qyraǵy­lyǵyn, utqyrlyǵyn, tehnikamen jab­dyqtalýyn jáne erekshe sheshim qabyldaýyn qajet etedi. Biz aldyn ala áreket jasaýdy meńgerdik jáne búginde UQQ kez kelgen tapsyrmany oryndaýǵa ázir ekenin aita alamyz», - deidi QR UQK tóraǵasy.