sýret ashyq derekkózden alyndy
Ishki ister ministri Marat Ahmetjanov jaýapqa tartylǵan adamdy densaýlyǵyna bailanysty túrmeden bosatyp, emdeýge jiberý tártibin túsindirdi, dep habarlaidy Sputnik Qazaqstan.
Ministrdiń aitýynsha, búginde onkologiiamen aýyratyn adamdy túrmeden bosatý qarastyrylǵan.
"Aýrýlardyń naqty tizimi bar. Mysaly, onkologiia bolsa, satysyna qaraidy. Sosyn terrorist bolsyn, memleketke opasyzdyq jasaǵan adam bolsyn, ony emdeý úshin túrmeden bosatady", - dedi Ahmetjanov jýrnalisterge bergen suhbatynda.
Osy oraida jýrnalister "UQK eks-basshysy Kárim Másimov osy normany paidalana ala ma?", - dep surady.
Ministrdiń sózine qaraǵanda, ony sarapshylar sheshedi. Sot sheshim shyǵarady.
"Arnaiy mamandar bar, aldymen sol sarapshylar qaraidy. Odan keiin sot óz sheshimin shyǵarady. Eger adamdy bosatýǵa negiz bolatyn qaýipti aýrýlardyń belgileri anyqtalsa, onda tiisti sheshim shyǵarylady. Adam jazadan bosatylmaidy. Ony emdeýge jiberedi. Túrmeden shyǵaryp, aýrýhanaǵa jatqyzady", - deidi Ahmetjanov.
Resmi málimetke sáikes, sońǵy bes jyldyń ishinde qaýipti aýrýlar tizimi boiynsha 27 adam túrmeden emdeýge jiberildi. Olardyń ishinde 25 adam kóz jumdy. Ekeýi em alǵannan keiin qaitadan túrmege qamaldy.
"Bul – memleket tarapynan jasalǵan gýmanizm. Ólim aýzynda jatqan adam jaqyn týystarymen birge bolady", - dep atap ótti ministr.
