سۋرەت اشىق دەرەككٶزدەن الىندى
ٸشكٸ ٸستەر مينيسترٸ مارات احمەتجانوۆ جاۋاپقا تارتىلعان ادامدى دەنساۋلىعىنا بايلانىستى تٷرمەدەن بوساتىپ, ەمدەۋگە جٸبەرۋ تەرتٸبٸن تٷسٸندٸردٸ, دەپ حابارلايدى Sputnik قازاقستان.
مينيستردٸڭ ايتۋىنشا, بٷگٸندە ونكولوگييامەن اۋىراتىن ادامدى تٷرمەدەن بوساتۋ قاراستىرىلعان.
"اۋرۋلاردىڭ ناقتى تٸزٸمٸ بار. مىسالى, ونكولوگييا بولسا, ساتىسىنا قارايدى. سوسىن تەرروريست بولسىن, مەملەكەتكە وپاسىزدىق جاساعان ادام بولسىن, ونى ەمدەۋ ٷشٸن تٷرمەدەن بوساتادى", - دەدٸ احمەتجانوۆ جۋرناليستەرگە بەرگەن سۇحباتىندا.
وسى ورايدا جۋرناليستەر "ۇقك ەكس-باسشىسى كەرٸم مەسٸموۆ وسى نورمانى پايدالانا الا ما?", - دەپ سۇرادى.
مينيستردٸڭ سٶزٸنە قاراعاندا, ونى ساراپشىلار شەشەدٸ. سوت شەشٸم شىعارادى.
"ارنايى ماماندار بار, الدىمەن سول ساراپشىلار قارايدى. ودان كەيٸن سوت ٶز شەشٸمٸن شىعارادى. ەگەر ادامدى بوساتۋعا نەگٸز بولاتىن قاۋٸپتٸ اۋرۋلاردىڭ بەلگٸلەرٸ انىقتالسا, وندا تيٸستٸ شەشٸم شىعارىلادى. ادام جازادان بوساتىلمايدى. ونى ەمدەۋگە جٸبەرەدٸ. تٷرمەدەن شىعارىپ, اۋرۋحاناعا جاتقىزادى", - دەيدٸ احمەتجانوۆ.
رەسمي مەلٸمەتكە سەيكەس, سوڭعى بەس جىلدىڭ ٸشٸندە قاۋٸپتٸ اۋرۋلار تٸزٸمٸ بويىنشا 27 ادام تٷرمەدەن ەمدەۋگە جٸبەرٸلدٸ. ولاردىڭ ٸشٸندە 25 ادام كٶز جۇمدى. ەكەۋٸ ەم العاننان كەيٸن قايتادان تٷرمەگە قامالدى.
"بۇل – مەملەكەت تاراپىنان جاسالعان گۋمانيزم. ٶلٸم اۋزىندا جاتقان ادام جاقىن تۋىستارىمەن بٸرگە بولادى", - دەپ اتاپ ٶتتٸ مينيستر.
