Tabiǵi resýrstardy óndirý men óńdeý salasyndaǵy Eurasian Resources Group (ERG) kompaniiasy men VTB bank qarjylandyrý talaptaryn ózgertý týraly qosymsha kelisimge qol qoidy, dep habarlaidy Ult.kz tilshisi QazAqparat agenttigine silteme jasap.
Eýraziialyq Top baspasóz qyzmetiniń habarlaýynsha, qosymsha kelisim ERG Tobynyń VTB aldyndaǵy 3 mlrd AQSh dollary kólemindegi negizgi bereshegin qaitarý merzimin 2022 jylǵa deiin shegerý, bereshekti óteý kestesin ózgertý men kovenanttyq paketti ońtailandyrýdy qamtidy.
Jańa parametrler (kelisimde qamtylǵan birqatar sharttar oryndalǵan jaǵdaida) 2017 jyly kúshine enip, Eurasian Resources Group likvidtiligin arttyrýy tiis.
«Top transformatsiialana bastaǵan 2014 jyldan beri biz tolaiym tabystarǵa qol jetkizdik. Atap aitqanda, biznestiń tiimdiligin arttyryp, shyǵyndardy ońtailandyrdyq, meilinshe naryqqa ikemdi bolyp, básekege qabilettiligimizdi arttyrdyq. 2016 jyly Top EBITDA tabystylyǵyn arttyra túskeni qýantady. Biz seriktesterimizge, birinshi kezekte VTB bankindegi áriptesterimizge uzaqmerzimdi seriktestik pen biznes júrgizýdegi iskerligi úshin alǵys aitamyz», - dedi Eurasian Resources Group direktorlar keńesiniń tóraǵasy Aleksandr Mashkevich.
Onyń sózinshe, qazirgi tańda ERG naryqtaǵy kóshbasshylardyń biri retinde qyzmetiniń tiimdiligin arttyryp, aliýminii, temir keni, ferroqorytpalar, mys pen kobalt, elektr qýatyn óndirý salalaryndaǵy perspektivaly investitsiialyq jobalardy damytyp keledi.
«Kompaniia qyzmet atqaratyn negizgi óńirler - Qazaqstan, Afrika men Braziliiada osyndai básekege qabiletti portfelder qalyptastyryldy»,- dep túiindedi sózin A. Mashkevich.
