Bul týraly «Nur Otan» partiiasy Tóraǵasynyń Birinshi orynbasary #NurOtanTrends pikirtalas alańynyń kezekti otyrysynda aitty. Búgin ótken otyrysta sarapshylar «Qazaqstan saiasatynyń jańa kelbeti» taqyrybynda sóz qozǵady.
Óz sózinde Máýlen Áshimbaev qazirgidei el damýyna tikelei áser etetin oqiǵalar kezinde qoǵamnyń aýyzbirshiligi men birtutastyǵyn saqtaý óte mańyzdy ekenin aitty.
– Osyndai kezeńde qazaqstandyqtar judyryqtai jumylyp, ár azamat óz jaýapkershiligin túsinip áreket etýi kerek. Óitkeni mundai jaǵdaidy óziniń jeke múddelerine paidalanyp, el arasyna iritki salýdy kózdeitin keibir kúshterdiń bar ekeni belgili. Sondyqtan árqaisymyz elimizdiń bolashaǵyna jaýapkershilikpen qarap, qoǵamdaǵy birlik pen berekeni saqtaýǵa kúsh jumsaýymyz qajet, – dedi Máýlen Áshimbaev.
Sonymen qatar «Nur Otan» partiiasy Tóraǵasynyń Birinshi orynbasary Elbasy saiasatyn odan ári jalǵastyrýdyń mańyzy men onyń basymdyqtaryna toqtaldy. Sondai-aq ol osy baǵytta «Nur Otan» partiiasynyń elimizdegi barlyq saiasi kúshpen áriptestik ornatýǵa daiyn ekenin atap ótti.
Budan basqa otyrysta sarapshylar eldegi saiasi básekelestik jaiynda da sóz órbitti. Osyǵan orai Máýlen Áshimbaev bul máseleniń ózekti ekenin aityp, ol úshin eldegi ózge saiasi partiialardyń da belsendilikterin arttyrý kerektigine kóńil bóldi.
– «Nur Otan» partiiasy qazir de, bolashaqta da básekelestikten bas tartpaidy. Qazirgi tańda partiiamyzda aýqymdy jańǵyrý úderisi júrgizilýde. Onyń basty maqsattarynyń biri zaman úrdisinen tys qalmai, jańa talaptarǵa sai jáne báskege qabiletti bolý. Bolashaq – saiasi básekelestikte. Sondyqtan biz oǵan daiynbyz. Sonyń barysynda biz «Nur Otan» partiiasynyń memlekettiń basty maqsattaryn júzege asyrýǵa yqpal etetin eldegi jetekshi saiasi kúsh ekenin dáleldeimiz dep senemiz, – dedi Máýlen Áshimbaev.
Otyrystyń moderatorlyq mindetin dástúrge sai «Talap» qoldanbaly zertteýler ortalyǵynyń direktory Rahym Oshaqbaev atqardy. Pikirtalas barysynda qoǵam qairatkeri, saiasattanýshy Aidos Sarym, Parlament Májilisiniń Zańnama jáne sot-quqyqtyq reforma komitetiniń tóraǵasy Nurlan Ábdirov, Qazaqstan Respýblikasynyń Prezidenti janyndaǵy Qazaqstan strategiialyq zertteýler institýty direktorynyń orynbasary Sanat Kóshkinbaev jáne «Nur Otan» partiiasy janyndaǵy Strategiialyq bastamalar institýty direktorynyń orynbasary Evgenii Kochetov qatysyp, óz pikirlerin bildirdi.
Ádettegidei atalǵan otyrys onlain rejimde ótkizildi. Is-sharanyń jazbasyn Máýlen Áshimbaevtyń Facebook áleýmettik jelisindegi jeke paraqshasynan kórýge bolady.
