Foto: STsK pri Prezidente RK
Elimizde destrýktivti sipattaǵy materialdardy anyqtaý boiynsha táýlik boiy monitoring júrgiziledi, dep habarlaidy QazAqparat agenttigi.
«Din máseleleri óte ózekti bolyp tur. Qyrkúiek aiynyń basynda men hidjab kiiý suraqtary boiynsha túsinikteme bergen edim. Másele halyqtyń dindarlyǵynda emes, dini saýatsyzdyqta. Árine, búginde biz dástúrli emes dini aǵymdardyń belsendi jumys istep jatqanyn kórip otyrmyz. Sondyqtan ministrliktiń buǵan qatysty jumysy úsh baǵytta júrgiziledi», - dedi Mádeniet jáne aqparat ministri Aida Balaeva ortalyq kommýnikatsiialar qyzmeti alańynda ótken baspasóz máslihatynda.
Ministr keltirgen málimetke sáikes, destrýktivti sipattaǵy materialdardy anyqtaý boiynsha táýlik boiy monitoring júrgiziledi. Ásirese áleýmettik jeliler men internet keńistiginde.
«1 qańtardan qyrkúiek aiynyń sońyna deiin internette lańkestik jáne dini ekstremizm qaǵidattaryn nasihattaýǵa baǵyttalǵan 14 860 material anyqtaldy. Bul degenimiz dini aǵymdar jumysynyń kúsheiýin bildiredi. Árine, biz depýtattardyń saýalyn muqiiat tyńdap, zerdeleimiz. Bul baǵytta biz «Din týraly» Zańnyń jekelegen normalaryn qaita qaraý úshin jumys isteitin bolamyz», - deidi ol.
