Foto: Pexels.com
Astanada bir kúnde 4 bala terezeden qulap ketti, olardyń ekeýi qaza tapty. Balalar ártúrli biiktikten – 1-den 16-qabatqa deiin qulaǵan. Elordalyq dárigerler turǵyndarǵa taǵy da úndeý jasady, dep habarlaidy Ult.kz.
Dárigerlerdiń aitýynsha, oqiǵanyń sebebi kóbine bala masaǵa arnalǵan torǵa súienip, terezeden qulap ketken. Sondyqtan tor qorǵaityn qural emes dep eskertti.
«10 jáne 16-qabattan qulaǵan balalar alǵan jaraqattarynan oqiǵa ornynda kóz jumdy. Onyń bireýi 3 jasta, ekinshisi 6 jasta bolǵan. Taǵy ekeýi jedel járdemmen balalar statsionaryna jetkizildi, olardyń denesinde kóptegen jaraqat bar. Qazirgi ýaqytta eki bala da jansaqtaý bóliminde jatyr. Dárigerler olardyń jaǵdaiyn aýyr dep baǵalap otyr», - delingen ákimdik aqparatynda.
Qalalyq densaýlyq saqtaý basqarmasynyń málimetinshe, jarty jyldyń ishinde 60 bala kópqabatty úidiń terezesinen qulap ketken.
Olardyń 9-y jedel járdem kelgenshe kóz jumǵan.
