Ádep jónindegi keńes mas kúiinde kólik aidaǵany úshin Fort-Shevchenko qalasynyń ákimi Shalqybai Ázirbaevty jumystan shyǵarýdy usyndy.
Aita keteri, buǵan deiin Ázirbaev mitingke shyqqandarmen kezdesýge barǵan kezde mas kúide kólik tizginine otyrǵany belgili boldy. Sol áreketi úshin ákim 15 táýlikke ákimshilik qamaýǵa alynyp, jeti jylǵa kólik júrgizý quqyǵynan aiyryldy. Endi ol jumystan qýyldy, dep habarlaidy Sputnik Qazaqstan "Astana" telearnasyna silteme jasap.
"Keńestiń kezekti otyrysynda ony memlekettik qyzmetten bosatý týraly biraýyzdan sheshim qabyldandy. Zań memlekettik jumysqa ornalasýyna shekteý qoimaidy. Zańda bul jaǵynan tyiym salýdyń naqty merzimi belgilenbegen", - dedi "Astana" telearnasyna memlekettik qyzmet isteri agenttiginiń Mańǵystaý oblysy boiynsha departamentiniń basshysy Toqtamys Dýmaǵulov.
